غم توتوب رنگ باهاری شور دوران هاردا دیر
جان ائوین ماتم توتوب سرو گولوستان هاردادیر
خوش نسیم جان شتابان اوز قویوب حسرتلره
مه توتوب سانکی شفق او ماه تابان هاردا دیر
سورماییر بیر کس اگر مظلومین هئچ احوالینی
دوشدو طوفان غمه مجنون نالان هاردادیر
موطن گول یاسمن گؤر نه قارشدی تورپاغا
اود ووروب گؤرنه خزان فریاد وعصیان هاردادیر
بیرنفس یوخدور شهرده محو اولوب سانکی حیات
محفل جانان صبا او شوق دوران هاردادیر
حکم ائدیر غدار ظلمت قهر اولوب سانکی زمان
جان وئریر عاشیق اگر او مهر جانان هاردادیر
قاصد یئلدن خبر توتدوم نفس بیر کسده یوخ
داد اوین ناحق توتوب بس عدل و دیوان هاردادیر
آچماییر بیر گول اگر مرصیه دیر بولبول سسی
گئتدی شوق زندگانلیق شور بستان هاردادیر
چون نیدا گلدی کی هیجران حکم اولوب عاشیقلره
دای اویانمیر طالعی بخت پریشان هاردادیر
حکم ائدیر مظلوما ذللت چون عدالت گؤرمورم
قهر اولوب دونیا نگؤر سرو خورامان هاردادیر
گؤزلمز بیچاره لر سفاک و ظالیمدن کرم
کاروان عشق بول تا بیلکی توفان هاردادیر
قالمایب دوران بئله غوغا دوشر بیر گون لطیف
بکله نیر حکم ازل چوخدانکی فرمان هاردا دیر
1390
No comments:
Post a Comment