مئهران باهارلي
آزه‌ربايجان يوروويژين ٢٠١١ يير ياريشماسيندا بيرينجي اولدو. آزه‌ربايجان، فارس ايران دئوله‌تينين ترسينه، تئرور، دينچيليك، فاناتيزم، ائكسترئميزم، قادينلارا باسقي، ائعدام و اويوشدوروجو قوللانيميندا، هامي ايله ساواشما و دوشمه‌نچيليك ياپماقدا بيرينجي اولمادي. موزيك كيمي گؤزه‌لليك ساچان و اينسانلاري بير بيرينه ياخينلاشديريپ قايناشديران، باريش و سئوگي ديلي اولان، سينير تانيمايان ائوره‌نسه‌ل بير آلاندا بيرينجي اولدو.
بو اولاي، آوروپا پارلامئنتي و آوروپا كونسئيينين اويه‌سي و سيياسي اولاراق آوروپا`نين بير تيكه‌سي اولان آزه‌ربايجان`ين، مده‌ني و كولتوره‌ل اولاراق دا آوروپالي اولدوغونو، گله‌جه‌يينين آوروپادا ياتديغيني بير يول داها قانيتلادي.
بو اولايين ايراندا يانقيسي (اينعيكاسي) چوخ بؤيوك اولاجاقدير. آوروپالي مودئرن و دئموكراتيك بير آزه‌ربايجان، او قده‌ر كي ايران و گونئي آزه‌ربايجاندا ياشايان تورك خالقينين قيوانج و ايفتيخار قايناغيدير و اؤزه‌لليكله تورك گنجله‌رين اؤز گووه‌نيني آرتيرماقدادير، بير او قده‌ر ده دينچي فارس رئژيمي ايله فارس عيرقچيلارين قورخولو رؤياسيدير.
بو اولاي، گونئي آزه‌ربايجانا فارس سؤمورگه‌چي بويوندوروغوندان قورتولارسا، نه‌له‌ره قاووشابيله‌جه‌ييني گؤسته‌رمه ك آچيسيندان دا اؤنه‌مليدير. بوگون اؤزگور قوزئي آزه‌ربايجان، اسير گونئي`ه يئني بير سئچه‌نه‌ك سوناراق، قيلاووزلوق ياپدي؛ اونا يورومه‌سي گره‌كه‌ن دوغرو يؤنو بير داها خاطيرلاتدي.
نيگار و ائلدار`ين الل.ه‌رينده آزه‌ربايجان و توركييه بايراقلاريني بيرليكده ساللاماسي ايسه، آوروپايا اولدوغو قده‌ر ايران و فارس دئولته‌تي و عيرقچيلارينا دا آچيق بير مئساژ ايدي: بوندان سونرا بو ايكي تورك خالقيني تكله‌ييپ بوغازلامانين دؤنه‌مي بيتميشدير.
بوتون بونلاردان دولايي، فارس مئديياسي سونوج آچيقلانير آچيقلانماز وحشه‌ته قاپيلدي، "بالاترين" كيمي فارس اولتراناسيوناليست دوشه‌رگه‌له‌ر، بو آنلاملي اوتقونون خبه‌ريني سانسور ائتديله‌ر، حتتا بو تاريخي قازانيمي كؤلگه‌له‌مه‌ك اوچون، آزه‌ربايجان`ين آوروپادا اولماديغيني يازديلار. آنجاق اونلار اونوتدولار كي آوروپا توپلومونا عاييد اولماق بير آنلاييش سورونودور، فارس عيرقچيلارين آريياچيليغي ايله آوروپالي اولونماز. آزه‌ربايجان`ي بيرينجي ائده‌ن، آوروپا اينسانلارينين اؤزويدو. آوروپاليلار كيمين آوروپالي اولدوغونو فارس عيرقچيلاريندان چوخ داها ياخشي بيليرله‌ر.
ائوئت! بوگون آوروپا، آزه‌ربايجان`ي اؤز بيرينجيسي سئچدي. فارس عيرقچيلاري ايله دينچي فارس ايران دئوله‌تينين بو گرچه‌كله باريشماقدان باشقا چارالاري يوخدور. اونلار بو گرچه‌يي بوگون آنلامازلارسا، گله‌جه‌ك ايل يوروويژين ياريشماسينين آوروپالي باكي`دا ياپيلديغيندا داها دا آغير شوكلارلا قارشيلاشيپ، داها دا چوخ آجي چكه‌جه‌كله‌ر. ...
Yurovijın utqusu, Türk xalqı vә Azәrbaycanın bayramı, Fars ırqçı vә sömürgәçilәrin yas günü
Mehran Baharlı
Azәrbaycan Yurovijın yır yarışmasında birinci oldu. Azәrbaycan, Fars İran devlәtinin tәrsinә, teror, dinçilik, fanatism, ektremism, qadınlara basqı, e`dam vә uyuşdurucu qullanımında, hamı ilә savaşma vә düşmәnçilik yapmaqda birinci olmadı. Müzik kimi gözәllik saçan vә insanları bir birinә yaxınlaşdırıp qaynaşdıran, barış vә sevgi dili olan, sınır tanımayan evrәnsәl bir alanda birinci oldu.
Bu olay, Avropa parlamenti vә Avropa konseyi üyәsi vә siyasi olaraq Avropanın bir tikәsi olan Azәrbaycanın mәdәni vә kültürәl olaraq da Avropalı olduğunu, gәlәcәyinin dә Avropada yatdığını bir yol daha qanıtladı.
Bu olayın İranda yanqısı (in`ikası) çox böyük olacaqdır. Avropalı modern vә demokratik bir Azәrbaycan, o qәdәr ki İran vә Güney Azәrbaycanda yaşayan Türk xalqının qıvanc vә iftixar qaynağıdır vә özәlliklә Türk gәnclәrin özgüvәnini artırmaqdadır, bir o qәdәr dә dinçi Fars rejimi ilә Fars ırqçıların qorxulu röyasıdır.
Bu olay, Güney Azәrbaycana Fars sömürgәçi boyunduruğundan qurtulursa, nәlәrә qavuşabilәcәyini göstәrmәk açısından da önәmlidir. Bügün özgür Quzey Azәrbaycan, әsir Güney`ә yeni bir seçәnәk sunaraq, ona qılavuzluq yapdı, yürümәsi gәrәkәn doğru yönu bir daha xatırlatdı.
Nigar vә Eldarın әllәrindә Azәrbaycan vә Türkiyә bayraqlarını birlikdә sallaması isә, Avropada olduğu qәdәr İran vә Fars devlәti vә ırqçılarına da açıq bir mesaj idi: Bundan sonar bu iki Türk xalqı tәklәyip boğazlamanın dönәmi bitmişdir.
Bütün bunlardan dolayı, Fars mediyası sonuc açıqlanır açıqlanmaz vәhşәtә qapıldı, Bâlâtәrin kimi Fars ultranasiyonalist düşәrgәlәr, bu anlamlı utqunun xәbәrini sansur etdilәr, bu tarixi qazanımı kölgәlәmәk üçün Azәrbaycanın Avropada olmadığını yazdılar. Ancaq onlar unutdular ki Avropa toplumuna ayid olmaq, bir anlayış sorunudur, Fars ırqçıların Ariyaçılığı ilә Avropalı olunmaz. Azәrbaycan`I birinci edәn, Avropa insanların özüydü. Avropalılar kimin Avropalı olduğunu Fars ırqçılarından çox daha yaxşı bilirlәr.
Evet! Bugün Avropa, Azәrbaycan`ı öz birincisi seçdi. Fars ırqçıları ilә dinçi Fars İran devlәtinin bu gәrçәklә barışmaqdan başqa çaraları yoxdur. Onlar bu gәrçıyi bugün anlamazlarsa, gәlәcәk il Yurovijın yarışmasının Avropalı Bakıda yapıldığında daha da ağır şoklarla qarşılaşıp daha da çox acı çәkәcәklәr.
Sozumuz, a window opening to the life/culture of the turkish nation of iran/south azerbaijan: http://sozumuz.blogspot.com/
http://sozumuz-turk-dovletler.blogspot.com/
http://sozumuz-turk-dovletler.blogspot.com/
No comments:
Post a Comment