.حيران خانيم (1848تبريز-1790نخجوان)اصالتن خوي كنگرلي (دنبلي)طايفاسيندان دير.شاعيره نين دوغوم يري نخجوان ايالتي قيد اولونوبدور .فتحعليشاه دورونده و روسون شيمالي آزه ربايجاني ايشغال اتديگيندن سونرا جنوبي آزه ربايجانا گوچ اتميشدير. 1218ايل ايلك اونجه تبريزه و سونرادان اورمونون قيزيل خانيه كندينه كي آتاسي كريم خانا ايران دولتينين طرفيندن وريلميشدي يرليشير و بو كند ده بويا باشا يتيرير. گويا حيران خانيم قافقازدا بير ايستكليسي واريميش و اونون اوچون ياشاميندا تجريد ايختيار اتميشدير. حيران خانيم بير باش دا خوي شهرينده سيكونت اتميشدير. شاعيره نين هم فارسجا و هم آزه ربايجان توركجه سينده غزل لري و قصيده لري موجوددور. حيران خانيم سكسن ايل تانري دان عومور آلديي بيزه آيدين دير.شاعيره فضولي مكتبينين دوامچيسي اولاراق آنيلير. بير چوخ نظيره حافيظ شيرازي، امير عليشير نوايي ، نسيمي و قوسي تبريزيه يازميش دير.او آزه ربايجانين كلاسيك شعرينين پارلاق بير اولدوزودور
بير نيمونه فارس ديلينده شعر. بو بيت لر اورمونون 1224ده طاعون خسته ليين پنجه سينده اسير اولدوغو ايله آييددير:
اي خدا كودكان هلاك شدند
نوجوانان به زير خاك شدند
مادران دل شكسته و نالان
مرده شويند بهر فرزندان
بو دا توركجه يازيلميش بير اثر:
بويون سرو سهی زولفون معنبر جمالين يوسف کنعانه بنزر
قاشين عشق لرين قصدينه گويا خم اولموش تيغ سر افشانه بنزر
آچاندا گوزلرين آلير بو جانی ياتاندا فتنه دورانه بنزر
با خاندا نازيله تير نگاهين کونولده خنجر برانه بنزر
ديلون بولبول ساچين سنبل اوزون گل کج اولموش کیپريگين پيکانه بنزر
مه رخسارين ای حور بهشتی گلستاندا گل خندانه بنزر
ويريب باد صبا زولفون داغيتميش گل اوزده دسته ريحانه بنزر
لب لعل شفا بخشين عزيزيم بعينه چشمه حيوانه بنزر
خالين هندو صفت کنج لبينده اوتورموش تخت آرا سلطانه بنزر
سنين کوينده عاشقلر فغانی چمنده بولبول خوش خوانه بنزر
گوزوم ياشی فراقوندن اوزومه سراسر لولوء غلطانه بنزر
اگر چه عاشقين چوخدور وليکن اينانما هئچ بيری حيرانه بنزر
شاعيره1848 ايلينده تبريز شهرينده وفات اتميش دير.
ياشاسين آذربايجان
No comments:
Post a Comment