اولیندن عادتیم دیر سؤزده یالان دئمرم
من تورکو جه دانیشارام دیله زبان دئمرم
آنام منی اوشاقلیقدان تورک دیلی دانیشدیریب
آتام منه چؤرک وئریب چؤرگه نان دئمرم
من آنامین امجگیندن تورکوجه سود اممیشم
ایندی ده امجک دئییرم داحی پستان دئمرم
سو ایچنده زوق ائده رم داد وئرمز آغزیمدا آب
سرین له سم کؤلگه لیکده دا سایه بان دئمرم
ائو ائشیگیم ایشیقلانار قوناقلاری گؤرنده
من قوناغی چوخ سئوه رم آما مهمان دئمرم
اول ائوده اوشاقلارا تورک دیلین اؤیره درم
آنایا آنا دئیه رم دا مادر جان دئمرم
بیر گؤزلی تعریف ائتسم تورکوجه سؤز قوشارام
کیرپیگین اوخ قاشلارین یای ابرو کمان دئمرم
آتا بابام تورک دور منیم تورکوجه دانیشارام
فارسی دا شیرین لهجه دیر خوشا یامان دئمرم
ده ده کاتیب تورک اوغلویام چوخ دادلی دیر دیلیمیز
ماهی یه بالیق دئمرم سونا پایان دئمرم
No comments:
Post a Comment