قورویاق اورموگؤلون آرزولاری یاز ائله یک
بو قیرلمیش قاناتی سئوگیلی شهباز ائله یک
سیندیراق بندی قیراق زنجیری ائل جار اولسون
بو یانان باغچه لاری عشوه لی طناز ائله یک
سسله نیراورموگؤلو اؤلکه توتوب گؤرنه فغان
سس وئرک سسلره بو خلقی سرافراز ائله یک
مژده دیر صبح سحر چون ائلین آزادلیقینا
ظفرین بایراقینی اؤلکه ده افراز ائله یک
سو تؤکون یاندی بوگؤل شعله لی دیر قلبی نگؤر
نه گرک اؤلکه میزی دوشمانا دمساز ائله یک
ائل گوجو سئل گوجودور ترپنه چون بحره دؤنر
وطنی شوقا سالاق بیر داها اعجاز ائله یک
د. لطیف
No comments:
Post a Comment