مئهران باهارلي
بو يازي ت.ر.ت. توركي دوشه‌رگه‌سينده ياينلانميشدير:
ت.ر.ت تورکی
www.trtturki.com
http://www.trtturki.com/trtworld/azt/newsDetail.aspx?HaberKodu=2b2c6917-289e-4382-91c7-6e715142befa&title=پروفسور دوکتور جواد هیئت 86 یاشیندا
ايران و گونئي آزه‌ربايجاندا مودئرين آنلامدا تورك ميللي شوعورونون اولوشماسي مشروطه حره‌كه‌تي و آزاديستان اولايي ايله ايلگيلي اولماييپ، بونلارلا باشلاماميشدير. بو حره‌كه‌تله‌رين هر ايكيسي ايران مركه‌زلي حره‌كه‌تله‌ر ايديله‌ر و هئچ بيري تورك`و ميلله‌ت و آزه‌ربايجان`ي وطه‌ن اولاراق تمه‌ل آلماميشدي. ايران و گونئي آزه‌ربايجاندا مودئرن توركلوك ميللي بيلينجينين ايلك آشاماسي م. ا. رسولزاده`نين ١٩١١ ايلينده "ايران توركله‌ري" كيتابيني يايينلاماسي ايله باشلاميشدير. آردينجا ايتتيحاد و تره‌ققي و ايتتيحاد-ي ايسلام`ين گونئي آزه‌ربايجاندا ائتگينليكله‌رينين يانقيلاري و ايران-گونئي آزه‌ربايجاندا مودئرن توركچولويون آتاسي اولان تاغي رفعه‌ت (تقي رفعت)ين اورتايا چيخماسي ايله داوام ائديپ، بللي اؤلچوده كيتله‌سه‌ل.له‌شميشدير. يئني اولوشماقدا اولان تورك ميللي بيلينجله‌نمه‌سي سوويئتله‌رين اورتايا چيخيشي ايله و بو دئوله‌تين تورك ميللي كيمليييني داناراق و تورپاغي تمه‌ل آلاراق اولوشدوردوغو كيلاسيك آزه‌ربايجانچيليق ايدئولوژيسي ساريسيندان قيسا سوره‌ده سيخيشديريلميش و يئيينليكله سؤنمه‌يه اوز توتموشدور. ايكينجي دونيا ساواشي سونراسي س. ج. پيشه‌وه‌ري (پيشه‌وري)نين اؤنده‌رلييينده قورولان آزه‌ربايجان ميللي حؤكومه‌تي ييخيلينجا، تورك ميللي بيلينجينين گليشيم و ائوريمي ده بوتونويله دورما نؤقطه‌سينه گلميشدير. اوندان سونرا آرادا ٣٥ ايلليك اوزون بير سسسيزليك و قوپما دؤنه‌مي ياشانميشدير. ايران و گونئي آزه‌ربايجاندا تورك ميللي بيلينجينين ايكينجي آشاماسي و يا ديرچه‌لمه‌سي ١٩٧٩دا وارليق درگيسينين يايينلانماسي ايله باشلاميشدير. بو تاريخي اولاي و دؤنه‌مه‌ج، اؤزه‌لليكله دوكتور جاواد هئيات (هئيت)، دوكتور حميد نوطقي (نطقي) و دوكتور علي كمالي`نين آدلارييلا باغليدير. وارليق`ين اورتايا چيخماسييلا گونئي آزه‌ربايجان و ايراندا تورك ميللي بيلينجي ساغلام تمه‌ل.له‌ر اوزه‌رينده يوكسه‌له‌ره‌ك درينله‌مه‌سينه كؤك سالميش، تاريخده بنزه‌ري گؤرولمه‌ميش و گئري دؤنولمه‌ز بير بيچيمده كيتله‌سه‌ل.له‌شميشدير.
بوگون من، سايقي و ويجدان بورجو ايله باغلي اولدوغوم وارليق ائكيپينده‌ن بؤيوك بير اينسان –دوكتور ج. هئيات- و اثه‌رله‌ريني تقديرله آنماقدايام. تاريخي شخصييه‌تله‌رين ده‌يه‌رله‌نديريلمه‌سي، ائتديكله‌رينده‌ن داها چوخ، اونلارين ائتگيسي تمه‌لينده ياپيلماليدير. بوگون ايراندا تورك خالقينين اؤزونه قاييديش سوره‌جينده ياپيلان هر شئيده، دوكتور ج. هئيات`ين ايزيني گؤرمه‌ك مومكوندور. يئني تورك و آزه‌ربايجان تاريخينين سون دؤنه‌مي اونون آدي ايله آيريلماز بير بيچيمده باغليدير. دوكتور ج. هئيات`ين بير بيليم آدامينين تيتيزلييي ايله يازميش اولدوغو ساغلام يازيلاري، ياخين تاريخيميزده باشقا كيمسه‌نين ياپاماديغي اؤلچوده تورك خالقينين اؤزونو نئجه ايدراك ائتمه‌سيني ائتگيله‌ميش و اونا بيچيم وئرميشدير. اونون دا اؤته‌سينده، بو آلچاق كؤنوللو يازيلار، ايران و گونئي آزه‌ربايجاندا تورك كيملييينين ياشاديلماسيني گووه‌نجه آلتينا آلميشدير. دوكتور ج. هئيات`ين يازديغي مقاله و كيتابلار، يالنيز اينجه‌له‌دييي قونولاري اله آلان بيره‌ر آراشديرما مقاله‌سي و يا كيتابي دئييلدير. بونلار تورك خالقي و آزه‌ربايجان`ين كيملييي، اده‌بيياتي و ميراثي ايله ايلگيلي بير بيرييله باغلانتيلي قوجامان بير ديزينين پارچالاريدير؛ بونلار بيره‌ر آنيمساتمادير، بيره‌ر يولچولوقدور، بيره‌ر ساوونما و ائعتيراضدير. دوكتور ج. هئيات`ين وارليق درگيسي-قورومونو سوروملولوقلا ياراديپ آياقدا توتابيلمه‌سي ايسه، اوزاق گؤره‌نلي بير ويزيونون دهاسيدير. او، قوردوغو وارليق درگيسي و چوخ يؤنلو قله‌مي ايله، ايراندا ياشان تورك خالقينا ميللي بير گله‌جه‌يين تمه‌لل.ه‌ريني آتماني باشارميش، بو اؤلكه‌ده كؤكله‌ري قوروتولماق ايسته‌نه‌ن اسكي تورك ديلي و وارلي كولتورونون خالق و آيدين كيتله‌له‌ري آراسينا قاييتماسي و يايقينلاشماسينا نده‌ن اولموشدور. دوكتور هئيات`ين گونده‌ليك قيسير سيياسي پولئميكله‌ره گيرمه‌ده‌ن، قارينجا كيمي ايشله‌مه‌سي، اينسانلاردا تورك ديلي و كولتورونه قوجامان بير ايلگي و چكيمين يارانماسينا نده‌ن اولموشدور.
بؤيوك اينسانلارين داورانيش و ائيله‌مله‌ري گنه‌لده بيلينچلي و ايسته‌نيله‌ن آماجلارا يؤنه‌ليك اولار. آنجاق اورتايا چيخان سونوجلار، هميشه بو آماجلارين دوغرولتوسوندا اولمايابيلير. بوراداكي ايستيثنا، دوكتور ج. هئيات كيمي داهيله‌رين ياپديقلاريدير. او ايسته‌ديييني بيلميش و بيلديييني ياپميشدير، ياپاماياجاغيني دا ايسته‌مه‌ميشدير، آشيريليغا ايسه هئچ قاچماميشدير. دوكتور ج. هئيات`ين ياپديقلاريني بوشلوقدا دئييل، متنده اوخوماق گره‌كير. او هئچ بير واخت آچيقجا اوجوز سيياسه‌ته قاتيلمادي. بونا قارشين، بير چوخ تورك و آزه‌ربايجانلي سيياسي و تشكيلاتين سون يوز ايل ايران`يندا باشاراماديغي ايشله‌ري تك باشينا باشارابيلدي. او تورك`ون ميللي كيمليك و آزه‌ربايجان`ين مده‌ني وارليغي ساغلام تمه‌ل.له‌ر اوزه‌رينده ديككه‌لديلمه‌ديكجه، سيياسي آلاندا اؤز خالقي و يوردونو قورتاراماياجاغينا ايناناراق، ان دوغرو موجاديله يولونو سئچدي. او، بيلينجلي اولاراق تورك خالقينا سولونوم (نفه‌س) يولو آچمايا، اونو ديشارييا چيخارتماقلا اوغراشميش، ياشاماق اوچون بير اورتام ياراتمايا چاليشميش و بو موجاديله‌ني ده روح گوجو و چليك بير ايراده ايله باشاريلي سونوجا وارديرميشدير. بو، ياخين تاريخيميزده تايي گؤرولمه‌ميش بير اولايدير. او بير دوشونور اولاراق، چوخلارينا اومودسوز گؤزوكه‌ن بير اورتامدا، يئني بير ساواشيم باشلاتميش و اونو دا باشارييلا اوتقويا آپارميشدير. دوكتور ج. هئيات، ايراندا آشاغيلانميش، ديلي و كيملييي الينده‌ن آلينميش تورك خالقينين تاريخينده يئني بير دؤنه‌م آچماق اوچون موجاديله‌يه آتيلميشدير. دوكتور ج. هئيات`ده شاشيرديجي باشقا يؤنله‌ر ده واردير. مودئرن بير ميللي وارليق اولابيلمه‌سي اوچون، اويدوروق تمه‌لل.هر اوزه‌رينه قورولموش و تورك خالقينين گرچه‌ك بير ميلله‌ت اولاراق گليشمه‌سيني انگه‌لل.ه يه‌ن "آزه‌ري" و "آزه‌ربايجانجا" كيمي كيمليكله‌رين، هابئله گئچميشده‌ن قالان بير سيرا ضره‌رلي سيياسي گله‌نه‌كله‌رين قالديريلماسي يا دا ان آزي قيراقلانماسي (مارژيناللاشماسي) گره‌كيردي. دوكتور ج. هئيات، ييلماق و قورخماق بيلمه‌يه‌ن بير ياراديچيليقلا ياخين تاريخيميزده هئچ كيمسه‌نين گرچه‌كله‌شديره‌مه‌دييي بو ايدئاللاري گرچه‌كله‌شديرمه‌ني ده باشارميشدير.
دوكتور ج. هئيات، ائشسيز كيشيلييي ايله بوتون اينسانلارين سايقيسيني قازانان، جيددييه‌تي ايله هاميني اؤزونه اينانديران، گله‌جه‌ك قوشاقلار اوچون ساغلام تمه‌لل.هر آتماغا اوغراشان بير ميلله‌ت ياراديجيسي و اولقون و كمالا يئتيشميش ذكاسي ايله ميلله‌تينين اورتاسيندا ياشايان بير بيلگه‌دير. او ايران و گونئي آزه‌ربايجاندا ياشايان تورك خالقينا تورك اولدوغوندان، تاريخينده‌ن و ديلينده‌ن دولايي اؤزونه گووه‌نمه و دايانما دويقوسونو آشيلادي. بو اوزده‌ن ده يئني تورك گنجلييي، دوكتور ج. هئيات`ين اثه‌رله‌رينه و موجاديله‌سينه حئيراندير. چونكو اوندا اؤز كيملييي و اؤزگورلويونو سئوه‌ن، بوتون خالقلار اوچون سمبول اولاراق قالاجاق گوجلو بير كيشيلييي گؤرمه‌كده‌دير. منيم اوچون ايسه دوكتور ج. هئيات، سوروملولوق دويقوسو و مده‌ني جساره‌ت ايله دورمادان چاليشان، اسين قايناغي و اؤرنه‌ك اولان؛ مده‌ني چاليشمالار و سوره‌كليليين اؤنه‌ميني گؤسته‌ره‌ن؛ اؤز ميلله‌تي و اينسانليق عاله‌مينه بسله‌دييي سئوگي ايله بير داهينين نه‌له‌ر يارادابيله‌جه‌ييني هه‌يه‌جانلي بير صحنه‌ده سئير ائتديره‌ن اولو بير اينساندير. اونون ايشي، منيم تورك آيريجاليغيني انلاما و يازمايا باشلامامدا اؤنه‌ملي رول اويناميشدير. دوكتور ج. هئيات اوشاقكه‌ن منيم قهره‌مانلاريم آراسيندايدي. من بوگون ده اونون حئيرانلاري آراسيندا بولونمايا داوام ائديره‌م.
Sayqı vә vicdan borcu: Doktor Cavad Hey`әt 86 yaşındadır
Mehran Baharlı
Bu yazı TRT Türki düşәrgәsindә yayınlanmışdır:
www.trtturki.com
ت.ر.ت تورکی
http://www.trtturki.com/trtworld/azt/newsDetail.aspx?HaberKodu=2b2c6917-289e-4382-91c7-6e715142befa&title=پروفسور دوکتور جواد هیئت 86 یاشیندا
İran vә Güney Azәrbaycanda modern anlamda Türk milli şuurunun oluşması, Mәşrutә Hәrәkәti vә Âzâdistan olayı ilә iligili olmayıp, bunlarla başlamamışdır. Bu hәrәkәtlәrin hәr ikisi dә İran mәrkәzli hәrәkәtlәr idilәr v heç biri Türk`ü millәt vә Azәrbaycan`ı vәtәn olaraq tәmәl almamışdı. İran vә Güney Azәrbaycanda modern Türklük milli bilinclәnmәnin ilk aşaması, M. Ә. Rәsulzadә`nin 1911 ilindә “İran Türklәri” kitabını yayınlaması ilә başlamışdır. Ardında “İttihâd vә Tәrәqqi” vә “İttihâd-i İslam”ın Güney Azәrbaycanda etginliklәrinin yanqıları vә İran-Güney Azәrbaycanda modern Türkçülüyün atası olan Tağı Rәf`әt`in ortaya çıxması ilә davam edip, bәlli ölçüdә kitlәsәllәşmişdir. Yeni oluşmaqda olan Türk milli bilinclәnmәsi Sovyetlәrin ortaya çıxışı ilә vә bu devlәtin Türk milli kimliyini danaraq vә torpağı tәmәl alaraq oluşdurduğu Kilasik Azәrbaycançılıq ideolojisi sarısından qısa sürәdә sıxışdırılmış vә yeyinliklә sönmәyә üz tutmuşdur. İkinci dünya savaşı sonrası S. C. Pişәvәri`nin öndәrliyindә qurulan “Azәrbaycan Milli Hökümәti” yıxılınca, Türk milli bilincinin gәlişim vә evrimi dә bütünüylә durma nöqtәsinә gәlmişdir. Ondan sonra arada 35 illik uzun bir sәssizlik vә qopma dönәmi yaşanmışdır. İran vә Güney Azәrbaycanda Türk milli bilincinin ikinci aşaması vә ya dirçәlmәsi 1979da Varlıq Dәrgisinin yayınlanması ilә başlamışdır. Bu târixi olay vә dönәmәc, özәlliklә Doktor Cavad Hey`әt, Doktor Hәmid Nutqi vә Doktor Әli Kәmali`nin adlarıyla bağlıdır. Varlıq`ın ortaya çıxmasıyla Güney Azәrbaycan vә İranda Türk milli bilinci sağlam tәmәllәr üzәrindә yüksәlәrәk dәrinlәmәsinә kök salmış, târixdә bәnzәri görülmәmiş vә geri dönülmәz bir biçimdә kitlәsәllәşmişdir.
Bugün mәn sayqı vә vicdan borcu ilә bağlı olduğum Varlıq ekipindәn böyük bir insan, Doktor Cavad Hey`әt vә әsәrlәrini tәqdirlә anmaqdayam. Târixi şәxsiyәtlәrin dәyәrlәndirilmәsi, etdiklәrindәn daha çox, onların etgilәri tәmәlindә yapılmalıdır. Bugün İranda Türk xalqının özünә qayıdış sürәcindә yapılan hәr şeydә Doktor Hey`әt`in izini görmәk mümkündür. Yeni Türk vә Azәrbaycan târixinin son dönәmi onun adı ilә ayrılmaz bir biçimdә bağlıdır. Doktor Cavad Hey`әt`in bir bilim adamının titizliyi ilә yazmış olduğu sağlam yazıları, yaxın târiximizdә başqa kimsәnin yapamadığı ölçüdә Türk xalqının özünü necә idrâk etmәsini etgilәmiş vә ona biçim vermişdir. Onun da ötәsindә, bu alçaq könüllü yazılar, İran vә Güney Azәrbaycanda Türk kimliyinin yaşadılmasını güvәncә altına almışdır. Doktor Cavad Hey`әt`in yazdığı mәqâlә vә kitablar, yalnız incәlәdiyi qonuları әlә alan birәr araşdırma mәqâlәsi vә ya kitabı deyildir. Bunlar Türk xalqı vә Azәrbaycan`ın kimliyi, әdәbiyatı vә mirâsı ilә ilgili bir biriylә bağlantılı qocaman bir dizinin parçalarıdır. Bunlar birәr anımsatmadır, birәr yolçuluqdur, birәr savunma vә e`tirazdır. Doktor Cavad Hey`әt`in Varlıq Dәrgisi-qurumunu sorumluluqla yaradıp ayaqda tutabilmәsi isә, uzaq görәnli bir vizyonun dәhâsıdır. O, qurduğu Varlıq Dәrgisi vә çox yönlü qәlәmi ilә İranda yaşayan Türk xalqına milli bir gәlәcәyin tәmәllәrini atmanı başarmış, bu ölkәdә köklәri qurutulmaq istәnәn әski Türk dili vә varlı kültürünün xalq vә aydın kitlәlәri arasına qayıtması vә yayqınlaşmasına nәdәn olmuşdur. Doktor Hey`әt`in gündәlik qısır siyâsi polemiklәrә girmәdәn, qarınca kimi işlәmәsi, insanlarda Türk dili vә kültürünә qocaman bir ilgi vә çәkimin yaranmasına nәdәn olmuşdur.
Böyük insanların davranış vә eylәmlәri gәnәldә bilincli vә istәnilәn amaclara yönәlik olar. Ancaq ortaya çıxan sonuclar, hәmişә bu amacların doğrultusunda olmayabilir. Buradakı istisna, Doktor Cavad Hey`әt kimi dâhilәrin yapdıqlarıdır. O istәdiyini bilmiş vә bildiyini yapmışdır, yapamayacağını da istәmәmişdir, aşırılığa heç qaçmamışdır. Doktor Cavad Hey`әt`in yapdıqlarını boşluqda deyil, mәtndә oxumaq gәrәkir. O heç bir vaxt açıqca ucuz siyâsәtә qatılmadı. Buna qarşın bir çox Türk vә Azәrbaycanlı siyâsi vә tәşkilatın son yüz il İran`ında başaramadığı işlәri tәk başına başarabildi. O Türk`ün milli kimlik vә Azәrbaycan`ın mәdәni varlığı sağlam tәmәllәr üzәrindә dikkәlmәdikcә siyâsi alanda öz xalqı vә yurdunu qurtaramayacağına inanaraq, әn doğru mucadilә yolunu seçdi. O, bilincli olaraq Türk xalqına solunum (nәfәs) yolu açmaya, onu dışarıya çıxartmaqla uğraşmış, yaşamaq üçün bir ortam yaratmaya çalışmış vә bu mucadilәni dә ruh gücü vә çәlik bir irâdә ilә başarılı sonuca vardırmışdır. Bu, yaxın târiximizdә tayı görülmәmiş bir olaydır. O bir düşünür olaraq, çoxlarına umudsuz gözükәn bir ortamda yeni bir savaşım başlatmış vә onu da başarıyla utquya aparmışdır. Doktor Cavad Hey`әt İranda aşağılanmış, dili vә kimliyi әlindәn alınmış Türk xalqının târixindә yeni bir dönәm açmaq üçün mucadilәyә atılmışdır. Doktor Cavad Hey`әt`dә şaşırdıcı başqa yönlәr dә vardır. Modern bir milli varlıq olabilmәsi üçün, uyduruq tәmәllәr üzәrinә qurulmuş vә Türk xalqının gәrçәk bir millәt olaraq gәlişmәsini әngәllәyәn Azәri vә Azәrbaycanca kimi kimliklәrin, habelә geçmişdәn qalan bir sıra zәrәrli siyâsi gәlәnәklәrin qaldırılması ya da әn azı qıraqlanması (marjinaşdırılması) gәrәkirdi. Doktor Cavad Hey`әt, yılmaq vә qorxmaq bilmәyәn bir yaradıcılıqla yaxın târiximizdә heç kimsәnin gәrçәklәşdirәmәdiyi bu idealları gәrçәklәşdirmәni dә başarmışdır.
Doktor Cavad Hey`әt eşsiz kişiliyi ilә bütün insanların sayqısını qazanan, ciddiyәti ilә hamını özünә inandıran, gәlәcәk quşaqlar üçün sağlam tәmәllәr atmağa uğraşan bir millәt yaradıcısı vә olqun vә kamala yetişmiş zәkası ilә millәtinin ortasında yaşayan bir bilgәdir. O İran vә Güney Azәrbaycanda yaşayan Türk xalqına Türk olduğundan, târixindәn vә dilindәn dolayı özünә güvәnmә vә dayanma duyqusunu aşıladı. Bu üzdәn dә yeni Türk gәncliyi, Doktor Cavad Hey`әt`in әsәrlәrinә vә mucadilәsinә heyrandır. Çünkü onda öz kimliyi vә özgürlüyünü sevәn, bütün xalqlar üçün sәmbol olaraq qalacaq güclü bir kişiliyi görmәkdәdir. Mәnim üçün isә Doktor Hey`әt, sorumluluq duyqusu vә mәdәni cәsarәt ilә durmadan çalışan, әsin qaynağı vә örnәk olan, mәdәni çalışmalar vә sürәkliliyin önәmini göstәrәn, öz millәti vә insanlıq âlәminә bәslәdiyi sevgi ilә bir dâhinin nәlәr yaradabilәcәyini hәyәcanlı bir sәhnәdә seyr etdirәn ulu bir insandır. Onu işi, mәnim Türk ayrıcalığını anlama vә yazmaya başlamamda önәmli rol oynamışdır. Doktor Cavad Hey`әt uşaqkәn mәnim qәhrәmanlarım arasındaydı. Mәn bugün dә onun heyranları arasında bulunmaya davam edirәm
Sozumuz, a window opening to the life/culture of the turkish nation of iran/south azerbaijan:
http://sozumuz.blogspot.com/
http://sozumuz-turk-dovletler.blogspot.com/
http://sozumuz.blogspot.com/
http://sozumuz-turk-dovletler.blogspot.com/
No comments:
Post a Comment