زومار آیي ۲۲, ۱۳۸۸
کیتابین قیسا تانیتیمی یازارین اؤز قلمی ایله
سایقیلی آذربایجان دیل و مدنیتی ایله اوغراشانلار و سایقلی اوخوجولار!
آشاغیدا گؤز اؤنونه سرگیلنمیش PDF بیچیمینده کی کتاب ۱۹۹۸- اینجی آلمانیانین قؤتینقئن شهرینده کی ساویندیغیم دوکتورا تئزی اولاراق سونولموش. بو کتابدا دیل ملزمه سی اولاراق قاراداغ، مغان وزنگان آغیزلارینا یئر وئریلمیش. بو کتاب آغیز و لهجه چالیشماسی اولاراق کئچمیشده آلمان دیلچیلری تورکولوژ Karl Foy و ایرانیست Helmut Ritteter و فرانسه لی عالیم Vincent Monteil و آلمانین کؤلن شهرینده دکتورا تئزینی ساوینمیش گونئی آذربایجانلی سایین منوچهر امیرپور اهرنجانی (Manutschehr Amirpur.Ahrandjani) نین سلماس آغیز و لهجه سی اوزره آپاردیغی آراشدیرمانی نظره آلدیقدا گئنیش وقاپساملی چالیشما ساییلار.
بو کتاب ۱۹۹۸- اینجی ایل آلمانیادا چاپ اولماسینا باخمایاراق آذربایجان علملر آکادئمیاسی و باکیداکی آذربایجانین میللی کتابلیغی (کتابخاناسی) و بیر سایدا یاخین تانیشلار گؤز آردی ائدیلرسه لر، بیر چوخ آذربایجان دیل ومدنیتی ایله اوغراشانلارین بئله بیر کتابین اولماسیندان بیلگی و معلوماتلاری یوخدور. بو کتاب آغیز و لهجه تانیما چالیشماسی اولدوغو و بو آغیز و لهجه لره اویقون Fontographie پروقرامی ایله منیم طرفیندن اویقون الیفبا یازیلیب حاضیرلاندیغی و بو الیفبا اساسیندا کتاب Macintosh بیلگی سایاری ایله یازیلدیغی اوچون ویندوو سیستیمی ایله اونو اینتئرنئت دونیاسیندا اوخوناقلی اوخوجولار الینه چاتدیرماق ایمکاسیز ساییلاردی. بئله لیکله ایللر بویو اینتئرنئت ایله ایلگی وایلیشگیمیز اولماسینا باخمایاراق بو کتابی آذربایجان دونیاسینا تانیتماق اولاناقسیز ساییلاردی. ویندوو سیستیمی نین گلیشمه سی و الیفبادا کتابدان فرقلی اولاراق بیر آزجا دگیشیلیگی ائتمکله بو چتینلیگی آشابیلدیک. غرب دونیاسیندا گونئی آذربایجان اوزره بیلگی نین آز اولدوغونو و یازیلی قایناق باخیمیندان یوخسول اولدوقلارینی و دوکتورا چالیشمالاری نین دا ژوریلر هئیتی نظارتیندن کئچدیگینی نظره آلارساق، بو چالیشمانین بئله بیر بیچیمده اورتایا قویولماسی ایللر کتابین چاپ اولوب یاییلدیغیندان کئچمه سینه باخمایاراق بو ذات اوچون بؤیوک بیر باشاری ساییلار. بو سؤزلری دیله گتیررکن هر شئیی بیر کس بیلمز دئیه بو کتابی آذربایجان اجتماعیتی آنلاییشلا قارشیلادیقلارینی آرزو ائدردیک
بو کتاب ۱۹۹۸- اینجی ایل آلمانیادا چاپ اولماسینا باخمایاراق آذربایجان علملر آکادئمیاسی و باکیداکی آذربایجانین میللی کتابلیغی (کتابخاناسی) و بیر سایدا یاخین تانیشلار گؤز آردی ائدیلرسه لر، بیر چوخ آذربایجان دیل ومدنیتی ایله اوغراشانلارین بئله بیر کتابین اولماسیندان بیلگی و معلوماتلاری یوخدور. بو کتاب آغیز و لهجه تانیما چالیشماسی اولدوغو و بو آغیز و لهجه لره اویقون Fontographie پروقرامی ایله منیم طرفیندن اویقون الیفبا یازیلیب حاضیرلاندیغی و بو الیفبا اساسیندا کتاب Macintosh بیلگی سایاری ایله یازیلدیغی اوچون ویندوو سیستیمی ایله اونو اینتئرنئت دونیاسیندا اوخوناقلی اوخوجولار الینه چاتدیرماق ایمکاسیز ساییلاردی. بئله لیکله ایللر بویو اینتئرنئت ایله ایلگی وایلیشگیمیز اولماسینا باخمایاراق بو کتابی آذربایجان دونیاسینا تانیتماق اولاناقسیز ساییلاردی. ویندوو سیستیمی نین گلیشمه سی و الیفبادا کتابدان فرقلی اولاراق بیر آزجا دگیشیلیگی ائتمکله بو چتینلیگی آشابیلدیک. غرب دونیاسیندا گونئی آذربایجان اوزره بیلگی نین آز اولدوغونو و یازیلی قایناق باخیمیندان یوخسول اولدوقلارینی و دوکتورا چالیشمالاری نین دا ژوریلر هئیتی نظارتیندن کئچدیگینی نظره آلارساق، بو چالیشمانین بئله بیر بیچیمده اورتایا قویولماسی ایللر کتابین چاپ اولوب یاییلدیغیندان کئچمه سینه باخمایاراق بو ذات اوچون بؤیوک بیر باشاری ساییلار. بو سؤزلری دیله گتیررکن هر شئیی بیر کس بیلمز دئیه بو کتابی آذربایجان اجتماعیتی آنلاییشلا قارشیلادیقلارینی آرزو ائدردیک
.
http://www.isiqsonmaz.com/Arbeit.pdf
ایشیق سؤنمز، ۱۲.۰۹.۲۰۰۹
No comments:
Post a Comment