کؤکسونده فيرتينالار، داشييان آلپرنلر
آدديم-آدديم بؤيوکلوک، زيروه سينه قوشارلار
اؤنله يهه مَز اونلاري، اوغورسوزلوقلار، کدر
چونکو ويجدالاريندا، بؤيوک گؤرَوليليک وار.
*
آلپرنلر اوستونه، قورخار، گله مَز اؤلوم
اؤلوم چکينگن اولور، بيلير کندي يئريني
آلپرنلر ياشاماز، حياتي بؤلوم- بؤلوم
کنديلري سئچرلر، اؤلوم بيچيملريني
*
آلپرنليک «موباريز»، ساواشچي نين حاللاري
اونلار موتلو اؤلمه یي، باشاران قهرمانلار
سونسوزلوقدا دولاشار، اونلارين خياللاري
اونلار اوچون اؤلوم يوخ، ابدي ياشاماق وار
*
ائي بؤيوک اينانجي نين، يولوندا شهيد اولان
اؤلومونله يوردوندا، سن يئنيدن دوغولدون
کؤنلوموزده ارَنليک، آبيده سيني قوران
اوغلوموز يئرينده يکن، دؤنوب دده ميز اولدون
*
قهرمانلار گليرلر، وطني قورماق اوچون
اونلارين ياشاملاري، کوتله ني ميلت ائدر
«موباريز»لر اؤلورلر، يوردو قوروماق اوچون
بو اؤلومون بدَلي، آنجاق حوررييت ائدر
*
آلپَرَنليک دوردوقجا، اؤلکه يه اولماز زاوال
يالنيز بؤيله سؤکولر، دوشلره چؤکموش گئجه
«اينسانلارا حوررييت، ميللتلره ايستيقلال»
بؤيله دئميشدير سنين، بؤيوک دَدَن، بؤيله جه
*
قارا تورپاغا دئييل، باغريميزا گؤمولدون
ابدييَن ياشايار، سنين او اؤلمز جانين
تورکلوگونون غورورو، اوچون، ساواشيب اؤلدون
سن بؤيوک شرفيسن، بوتؤو آذربايجانين
گونتای گنجالپ
۰۷.۱۱.۲۰۱۰
No comments:
Post a Comment