یارادانیم منی تورك یارادیب دیر
یاشا آذربایجان! دئمه سم اولماز.
تورك، اوغوز یوردونون باشینین تاجی
ساوالانا سولطان دئمه سم اولماز.
كوراوغلو قهرمان، بابك قهرمان
ائولادی به ی اولسون، شاهلاری خاقان
آتا تورك، آنا تورك، یورد آذربایجان
بالایا تورك اوغلان دئمه سم اولماز.
خزرین دالغالی، اَر بالاسی ییق
قوپوزون، كامانین، تارین سسی ییك
بیز، اودلار یوردونون اود پارچاسی ییق
« چنگی » یه آلیشان دئمه سم اولماز.
شاعر:رضا دهقان (چنگی)
No comments:
Post a Comment