قوُرویاجاق اؤلکه م سنی
سن یوردومون یاسلی چاغی
85-ین خورداد آیی
آغاردیب سان ساچلاری یین
دالغالاری اوره گینده
گیزلی داغ تک گیزله دیب سن
آذربایجان خالقی بوگون
باساجاقدیر اؤز باغرینا اورمو گؤلون
آنالارین ، آتالارین ، گئنج لرین
دامجی دامجی گؤز یاشلاری
آخاجاقدیر یاشسیز قالان گؤزله ری یه ن
خالقی میزین هارایلاری
شاخدیراجاق شیمشه ک له ری
یاغدیراجاق قاراقاباق بولودلاری
خالقی میزین گؤز یاشلاری
قاریشاجاق بولودلارین یاغمورو ایله
تاریخ بویو
سئوینج ایله جوشاجاقسان
دالغالانیب داشاجاقسان
قورودولماز اورمو گؤلو
جوشغون گؤلون نه اویاری قوروماقلا
سن اؤلکه مین گؤزل لیکی
اود یوردونون شانلی تاجی
وطنداشا قارداش باجی
یابانجی یا اؤفکه لی سن چوخلو آجی
اوخونور گوی گؤزله رینده ن
هئککه لرین ... هئککه لرین ... هئککه لرین
اورمو گؤلو!
اؤزه لیک له قورویاجاق اؤلکه م سنی
یاددان چیخیب ، اونودولمان
گؤره وی میز قوُروماقدیر
قورودولماز اورمو گؤلو
اونودولماز اورمو گؤلو
No comments:
Post a Comment