وطنیم
بو منیم وطنیم، بو منیم ائلیم
جانیمدان عزیزدیر توپراغیم دیلیم
آل قانا بویانسام یادا ساتمارام
شرفیم وطندیر بیر آن آتمارام
آنامین قانیدیر آخان قولومدا
دؤیوشه گئدهرم وطن یولوندا
قورباندیر بو خالقا بو یوردا جانیم
باشی اوجا یاشاسین آذربایجانیم
آنا وطن
چؤللرین دیر شن // هر یئرین گولشن
سن نه گؤزل سن // آی آنا وطن
باغدیر اکیندیر // هر بیر بوجاغین
قیزیل تکیندیر // ساری توپراغین
بؤیوتدون بیزی // وئردین قول قاناد
یوخدور غم ایزی // شندیر بو حیات
چؤللرین دیر شن // هر یئرین گولشن
سن نه گؤزل سن // آی آنا وطن
ائلمان
آنا سینین بوینونا بیر گون ساریلدی ائلمان
دئدی:
- آنا من سنی چوخ سئویرم هامیدان
- چوخ سئویرسن گئت بولاغدان گتیر منه سرین سو
- نرگیز گئتسین بولاغا، یورولموشام دوغروسو
- سن گئت ائوی تمیزله، نرگیز گئتسین بولاغا
- اوغلاندا ائو تمیزلر
باشلادی آغلاماغا
- داها منیم یانیمدا، دانیشما بیرده عبس
آناسینین سؤزونه باخار آناسینی سئون کس
اوشاق و بوز
درسه گئدن بیر اوشاق // چیخدی بوز اوسته قوچاق
سوروشدو و بیردن بیره // دهیدی اوز اوسته یئره
دوردو اوشاق نئیلهدی // بوزا بئله سؤیلهدی
سن نه یامانسان آی بوز // آدام ییخان سان آی بوز
آز قالیر عؤمورون سنین // یاز گلر آرتار قمین
اریییب سویا دؤنرسن // آخیب چایا گئدرسن
قیش
قیش گلیبدیر اوشاقلار // آغ گئیینیب بوداغلار
گوللر سولدو سارالدی // قاب-باجانی قار آلدی
ائشیکده کولک اسیر // شاختا قیلینج تک کسیر
دئیین شاختا چکنلر // هر گئجه تیترهینلر
گلین وئرک ال اله // اوز گتیرک گونهشه
گونش سالسین ایستیسین // قارلار-بوزلار اریسین
قیش عؤمور آز اولسون // باهار اولسون یاز اولسون
گؤزل قیز
من بیز گؤزل قیزام // سحر تئزدن دورارام
اللریمی اوزومو // اؤزوم هر گون یویارام
قوناق گئتسک بیر یئره // هئچ نه یه ال وورمارام
آنامدان ایجازهسیز // من یئریمدن دورمارام
کیم دئییر من بالاجایام // آتا گل بورادا دایان
الیم یئتیر اتهگینه // صاباح یئتر کورهگینه
سورا چیینیندن اوللام // بؤیویوب سن جان اوللام
No comments:
Post a Comment