مئهران باهارلي
سؤزوموز
جم قاراجا: توركييه`ده آنادولو ائلگون (پاپ) و آنادولو ساللار كويون (راك موزييينين) قوروجولاريندان؛ توركييه`ني يؤنه‌تگيل (پوليتيك) راكلا تانيشديران؛ راك موزييين اولو اوستاسيدير. "موختار قاراجا" اولاراق ٥ قيرآچان آي (آپرئل) ١٩٤٥ده ايستانبولدا دونيايا گلدي. ٥٩ ياشيندا ٨ بوز آي (فئورال) ٢٠٠٤ده اوره‌ك و سولونوم يئتمه‌زلييينده‌ن اؤلدو. آناسي ايستانبوللو بير ائرمه‌ني "ايرما فله‌كييان" (داها سونرالار "توتو قاراجا"؛ ٢٢-اوراق-جولاي ١٩٩٢؛ ١٨ يئلين-مارس ١٩١٢)، آتاسي گونئي آزه‌ربايجانلي بير تورك "محمه‌د ايبراهيم قاراجا"دير (٢٧ اولوسويوق-نويابر ١٩١٥؛ ٦ قيرآچان-آپرئل ١٩٨٠).
سؤزوموز
جم قاراجا: توركييه`ده آنادولو ائلگون (پاپ) و آنادولو ساللار كويون (راك موزييينين) قوروجولاريندان؛ توركييه`ني يؤنه‌تگيل (پوليتيك) راكلا تانيشديران؛ راك موزييين اولو اوستاسيدير. "موختار قاراجا" اولاراق ٥ قيرآچان آي (آپرئل) ١٩٤٥ده ايستانبولدا دونيايا گلدي. ٥٩ ياشيندا ٨ بوز آي (فئورال) ٢٠٠٤ده اوره‌ك و سولونوم يئتمه‌زلييينده‌ن اؤلدو. آناسي ايستانبوللو بير ائرمه‌ني "ايرما فله‌كييان" (داها سونرالار "توتو قاراجا"؛ ٢٢-اوراق-جولاي ١٩٩٢؛ ١٨ يئلين-مارس ١٩١٢)، آتاسي گونئي آزه‌ربايجانلي بير تورك "محمه‌د ايبراهيم قاراجا"دير (٢٧ اولوسويوق-نويابر ١٩١٥؛ ٦ قيرآچان-آپرئل ١٩٨٠).
جم قاراجا`نين آتاسي، محمه‌د ايبراهيم قاراجا (١)، تبريز`ين گونئي دوغوسوندا؛ سرده‌ري، خيسروشهر و اوسكو اوچگولو اورتاسيندا يئرله‌شميش گونئي آزه‌ربايجان`ين "ايسفه‌هلان" (اسفهلان) كندينده‌ندير. او بير تيياتر اوزلوسو (صنعه‌تچيسي) و اوينامان (آكتور) ايدي. بير سيرا توركييه‌لي قايناقلاردا، بلگه گؤسته‌ريلمه‌كسيزين، محمه‌د ايبراهيم قاراجا`نين توركييه`نين آزه‌ربايجان بؤلگه‌سينده يئرله‌شميش ايغدير (اييدير) شهه‌رينده‌ن اولدوغو ساولانير (ايدديعا ائديلير). آنجاق گونئي آزه‌ربايجانلي تورك يونتمان (هئيكه‌ل تراش) "روحي تونا"، جم قاراجا`نين كؤكه‌ني حاققيندا بيزيم ده قبول ائتديييميز آشاغيداكي آيريق (فرقلي) بيلگيله‌ري وئرمه‌كده‌دير (ائديت ائديلميشدير): "جم قاراجا ايله خاطيرالاريم واردير. ايلك گؤروشوموزده جم منه دئدي: من تبريزلييه‌م، تبريز`ين يانينداكي ايسفه‌هلان كندينده‌نه‌م. ..... تبريز`ي گؤرمه‌ك اوچون، يولا دوشدوم. آنجاق ايران رئژيمي منه گيريش ايذني وئرمه‌ييپ گئري چئويردي..... بو جومله‌له‌ر عئينه‌ن جم قاراجا`نين منه سؤيله‌دييي جومله‌له‌ردير. .... جم قاراجا اؤزو ايسفه‌هلان`ي و تبريز`ين ياخينليغيندا اولدوغونو وورقولادي. اگه‌ر سيز ايستانبولدا مين كيشييه ايسفه‌هلان هارادادير سورارسانيز، كيمسه بيلمه‌ز. .... منه سؤيله‌ديكله‌رينه گؤره او بير تبريز عاشيغي ايدي. آنجاق بعضيله‌رينين اونا قارشي سرگيله‌ديكله‌ري توتومو دا اله‌شديريردي. جم`ين آناسي ايستانبول`ون باكير كؤيونون ائرمه‌نيله‌رينده‌ن اولموشدور. ايشته منه سؤيله‌دييي راحاتسيزليق دا ائله بو قونو ايدي، كي آناسي ائرمه‌ني اولدوغو اوچون قوزئي آزه‌ربايجاندا بعضيله‌ري اونو سئومه‌مه‌كده‌ديرله‌ر. آنجاق او اؤزونو ائرمه‌ني دئييل، بير آزه‌ربايجانلي بكتاشي كيمي سوناردي".
جم قاراجا آتاسي حاققيندا بئله دييير: "اؤزه‌نله قونوشمايا، يازمايا و سؤيله‌مه‌يه دوروشدويوم (غئيره‌ت ائتديييم) توركجه‌مي آتاما بورجلويام. آتامدان اؤيره‌نديييم ٣-٥ عره‌بجه، فارسجا كلمه ايله كنديمي چوخ بيليرله‌ر آراسيندا گؤرمه‌يه باشلاديم. آتام الينده‌ن گلدييي قده‌ر [منيم موزيكله ايلگيله‌نمه‌مي] انگه‌ل.له‌دي. آنجاق بو، مني قامچيلادي". آتاسي جم قاراجا`نين اوزغان (ديپلومات) اولماسيني اوموردو. حتتا اونو موزيكده‌ن واز گئچيرتمه‌ك اوچون، آقچا (پول) ايله آدام كيرالاييپ جم قاراجا`ني ايلك بله‌نلييه (صحنه‌يه) چيخيشيندا يوهالاتديرميشدير. آنجاق داها سونرالار اوغلونون موزييه‌يه اولان آشيري ايلگيسيني گؤرونجه، بو ايسته‌يينده‌ن ال چكميشدير.
جم قاراجا ٥-٦ ياشلاريندا آناسي و تئيزه‌سينين پييانو چالماسينين ائتگيسييله يير سؤيله‌مه‌يه باشلاميشدير. "ايلك ايلله‌ريم تيياترچي آنا و آتامين دئنه‌تيمي، ائييتيمي و گؤزه‌تيمي ايله گئچدي.... موزييه يؤنه‌ليشيمده مني ان چوخ ائتگيله‌يه‌ن و يؤنله‌نديره‌ن آنام و چوخ سئودييم تئيزه‌م اولموشدور". آناسي ايرما توتو فله‌كييان، جومهورييه‌ت تاريخينين اونلو تيياتر، ييراما (اوپئرا) و سينئماچيلاريندان ايدي. جم قاراجا`نين گؤزه‌ل سسيني آناسي كشف ائتميشدير. ييراما اوزلوسو (صنعه‌تچيسي) اولان آناسينين تئيزه‌سي "روزا فله‌كييان" ايسه، جم قاراجايا ايلك نوتا بيلگيله‌ريني اؤيره‌ده‌ن كيمسه‌دير. جم قاراجا`نين ١٤ ياشيندا سئودييي و عاشيق اولدوغو سوآدييه‌لي نسرين آديندا بير قيزي ائتگيله‌مه‌ك اوچون ياپديغي "جاني گيتار" تيكه‌سي، قيزدان داها چوخ آناسي توتو`نو ائتگيله‌ميشدير. بونون اوزه‌رينه ده او جم قاراجا`ني كويچو (موزيسييه‌ن) ارول بؤيوك بورج`ون يانينا گؤتورموشدور. بئله‌جه جم قاراجا، آناسي توتو`نون سايه‌سينده موزييه باشلاميشدير.
اوشاقليغيندا اوزلوقلا (صنعه‌تله) ايچ ايچه بؤيويه‌ن جم قاراجا، گنج ياشلاريندا تيياتر ايله ده ايلگيله‌نميش و چئشيتلي اويونلاردا اويناميشدير. موزيك آلانيندا ايسه "جاگووارلار"، "ديناميتله‌ر"، "آپاشلار"، "قارداشلار"، "درويشان" و "ائديرداهان" توپارلاريني (قوروپلاريني) قورموش؛ بير آرا "موغوللار" و "قورتولان ائكسپرئس"له بيرليكده چاليشميشدير. "آپاشلار" توپاريندا باتي و دوغو كويله‌ريني سنتئزله‌مه‌يه چاليشدي. "درويشان" توپاريندا يؤنه‌تگيل ساللار كوي (پوليتيك راك موزيك) چاليشمالارينا يئر وئريپ، سول سؤيله‌مه گئچدي. توركييه راك موزييينده درين ايزله‌ر بيراخان درويشان توپاري، توركييه`ني او دؤنه‌مده آوروپادا وار اولان ايله‌ريجي (پيروقرئسيو) راك موزييي ايله تانيش ائتميشدير. جم قاراجا`نين قوردوغو ائديرداهان توپاريندا ياپديغي و بوتونويله ائپيك تئمالارلا بزه‌لي اولان "صفي ناز" ياپيتي، توركييه`نين ساييلي سمفونيك راك ييغاولاريندان (آلبوملا‌ريندان) بيري و بو اؤلكه‌ده ياپيلان ايلك راك ييراماسي (اوپئراسي)دير.
اؤزونو بير راك اوزاني اولاراق تانيملايان جم قاراجا`نين موزييي، توركييه`ني سارسان بير موزيك ايدي. اونون ييرلاري چوخ گنيش خالق كيتله‌له‌رينه اولاشدي. جم قاراجا، سسله‌نديردييي ييرلاردا آنادولو ازگيله‌رينين (مئلوديله‌رينين) پاپ راك ايله بولوشدوغو آيريق بير يوروم اورتايا قويدو و توركييه`نين او فيرتينالي ايلله‌ري ايله تورك راك موزييينين سمبول آدلاريندان بيري اولدو. جم قاراجا تكجه ييرلاري ايله دئييل، ياشامي ايله ده بير جومهورييه‌ت چاغاسي ايدي. عوثمانلي و تورك اؤته‌ييني (تاريخيني) چوخ ياخشي بيله‌ن و ساوونان جم قاراجا، توركييه`ده موزيك اوزلولارين ايچه‌ريسينده ان اكينجليله‌رينده‌ن (كولتورلوله‌رينده‌ن) بيري ايدي. تورك سولونون اؤنه‌ملي آدلاريندان اولان و او سيرالاردا اؤزونو كومونيست و اوقانسيز (آتئييست) دييه تانيتديران جم قاراجا، بير دؤنه‌م توركييه`ده اؤزگورلويون سسي اولموشدور. جم قاراجا، ييرلارينين سؤزله‌رينده توپلومسال گرچه‌كله‌ر ايله ياشانيلانلارا يئر وئرميش، اونلاردا هميشه پوزوق دوزه‌نه قارشي باش قالديرميشدير.
جم قاراجا ١٩٧٩دا عسكه‌ري چئوريليش (كودئتا) ايله باشلايان يوغون باسقيلار اوزه‌رينه آلمانيايا كؤچدو. اورادا ناظيم حيكمه‌ت`ده‌ن سونرا ان ياخيجي يئرسو اؤزله‌ميني (وطه‌ن حسره‌تيني) ايچه‌ره‌ن آلبوملار ياپدي. آلمانيادا غوربه‌ت حه‌ياتي ياشاركه‌ن بو اولكه‌نين اؤنه‌ملي كويه‌شگه‌له‌ري (اوركئسترالاري) ايله چاليشدي. بو آرادا توركييه`ده آرانمايا باشلاندي، ماللارينا ال قويولدو و ٢٠٠ ايل توتساق قييينينا (حبيس جزاسينا) چارپديريلدي. ١٩٨٣ده توركييه يوردداشليغيندان (وطه‌نداشليغيندان) آتيلدي. سككيز ايل ياريم سورگون ياشاميندان سونرا ١٩٨٧ده توركييه`يه گئري قاييتدي. بونون اوزه‌رينه اسكي يولداشلاري طره‌فينده‌ن دؤنه‌كليكله سوچلانيپ ديشلاندي. بو سوچلامالارا "يوردوما دؤنمه‌ك دؤنه‌كليك ايسه، من دؤنه‌يه‌م آرخاداش" دئمه‌كله يانيت وئردي. جم قاراجا ميليونلارجا توركييه‌لي اوچون، يوردونداكي دؤنوشومو تمثيل ائده‌ن بير اولونتو (فئنومئن) ايدي. دؤنوشونده سيياسي گؤروشله‌رينده يوموشاما و دين قونوسوندا ده‌ييشيم اورتايا چيخدي. بو دورومو، "اسكيده‌ن آغ و قارا وار ايدي، آنجاق من آرتيق بوزلاردايام" دييه آچيقلادي، "بير زامان آتئيست اولدوغومو سانيرديم، ... من قويو سولچو ايكه‌ن ده آللاها اينانيرديم، ... من هله ده سولچويام، آمما اينانجلييام دا" دئدي. اؤلومونده‌ن اؤنجه توتوجو (موحافيظه‌كار) كسيمين ده اؤزگورلوكله‌ريني ساووندو. بوينوندا گوموش بير زنجيره تاخيلي حض. علي`نين اوزكيپ (پورتره) و قيليجيني داشييان جم قاراجا، ياشام بؤگوشونو (فلسه‌فه‌سيني) قيزيلباش-بكتاشي اينانجي ايلكه‌سينه گؤره "اليمه، بئليمه و ديليمه صاحيب اولماق" و "آتامدان آلديغيم سوي آديمي عئيني گؤزه‌لليكده اوغلوما دئور ائده‌بيلمه‌ك" دييه آچيقلادي. جم قاراجا`نين بير سيرا سيياسي گؤروشله‌رينين ده‌ييشمه‌سينه قارشين، موزييي هئچ ده‌ييشمه‌دي. اونون موزييينده توپلومسال سورونلار، سئوگي و آنادولو توركوله‌ري هميشه يئر آلدي.
اؤلومونده‌ن اؤنجه‌كي سون ايكي ايلي، بار و كونسئرتله‌رده يير سؤيله‌يه‌ره‌ك گئچيردي. ٢٠٠٣ ايلينده چيخان "غزه‌ل" آدلي قوشوق پيتييينده (شئعير كيتابيندا) "دؤرد ايديك، ايكي قالديق" ديييردي. بو، باريش مانچو و فيكره‌ت قيزيل اوخ`ون اؤلومو و جم قاراجا ايله اركين قوراي`ين او ايلله‌رده ياشاديغينا ده‌يينيم (ايشاره) ايدي. جم قاراجا، ٨ بوزآي (فئورال) ٢٠٠٤ده ياشاما گؤزله‌ريني يومدو.
جم قاراجا`نين آتاسي تورك جعفه‌ري بير اوسوندان (عاييله‌ده‌ن) گليردي. اوغلونون دا جنازه‌سي تورك جعفه‌ري اينانجينا گؤره يويونوپ گؤمولدو. چونكو "بكتاشي مشره‌ب" جم قاراجا، سئچيميني بئله ياپميشدي. توتروغو (وصييه‌تي) اوزه‌ره، اؤلوتو (جنازه‌سي) اوسكودارداكي سئييد احمه‌د دره‌سي مسجيدي سينلاقيندا (قبريستانيندا) آتاسي محمه‌د ايبراهيم قاراجا`نين سيني (مزاري) اوزه‌رينه گؤمولدو (آناسي ايسه شيشلي ائرمه‌ني سينلاغيندا ياتير). باغلارباشي سئييد احمه‌د دره‌سي وقفي يوكونجلوك (مسجيد) و سينلاغي، گونئي و قوزئي آزه‌ربايجانليلارلا جعفه‌ري توركله‌رين يوكونجلوك و سينلاغي اولاراق بيلينير و توغرالي (رسمي) اولاراق دا ايرانليلار (عجه‌م) مزارليغي آدييلا ثبت اولونموشدور. اورادا عبدولقادير گؤلپينارلي و علي به‌ي حوسئين زاده ايله اوغلونون دا سيني ياتماقدادير. جم قاراجا "جنازه‌مي آلقيشلارلا دئييل، تكبيرله‌رله قالديرين" ايسته‌ميشدي. ايسته‌يينه اوياراق جنازه‌سينده آلقيشلانمادي، سس ايريلده‌رله‌رده‌ن (بلندگولاردان) تانريداملار (ايلاهيله‌ر) و قورآن`دان بؤلومله‌ر اوخوندو. توركييه اركله‌تينه (دئوله‌تينه) قيرقين اولدوغوندان دولايي، جنازه‌سينده اركله‌ت تؤره‌ني ايسته‌مه‌ميشدي. فوبيسينين يالنيز قالماق اولدوغونو سؤيله‌يه‌ن جم قاراجا`نين جنازه‌سينه قاتيلان اون مينله‌رجه اينسان، اونو سون يولچولوغوندا يالنيز بيراخمادي.
جم قاراجا`نين اونوتولمايان ياپيتلاري:
ائمراه (١٩٦٧)، رسيمده‌كي گؤزياشلاري (١٩٦٨)، كنديم ائتديم كنديم بولدوم (١٩٧٠)، آسكاروس دره‌سي (١٩٧٢)، ناموس بلاسي (١٩٧٤)، تعميرچي چيراغي، مني سيز دليرتدينيز (١٩٧٥)، پاركا (١٩٧٦)، صفي ناز (١٩٧٨)، حسره‌ت (١٩٨٠)، بكله مني (١٩٨٢)، مرحابا گنجله‌ر و هر زامان گنج قالانلار (١٩٨٧)، ييين افه‌نديله‌ر (١٩٩٠)، نرده قالميشديق (١٩٩٢)، مينديك بير علامه‌ته (١٩٩٩).
-----------------------------
(١)-گونئي آزه‌ربايجاندا آدي قاراجا (قراجه) اولان و يا آدينا بو كلمه‌ني داشييان اونلارجا يئر آدي واردير. او جومله‌ده‌ن اهه‌ر، مييانا، اورمو، بيجار، ماراغا، قزوين، مره‌ند، .... ده.
گرچه‌يه هو
سؤزلوك
آچيقلاماقAçıqlamaq : توضيح دادن
آشيريAşırı : افراطي، مفرط
آقچاAqça : پول
آيريقAyrıq : متفاوت، فرقلي
ال قويولدوӘl qoyuldu : مصادره شد
اركله‌تӘrklәt : دولت
ازگيӘzgi : ملودي
اكينجӘkinc : فرهنگ
اوچگولÜçgül : مثلت (اسكي توركجه)
اوراق (آي)Oraq : جولاي
اوزانOzan : خنياگر
اوزغانUzğan : ديپلمات (اوزغانماقUzğanmaq : مسالمت، تركي قديم)
اوزكيپÜzkip : پرتره
اوزلوUzlu : هنرمند
اوزلوقUzluq : هنر
اوسونUsun : عائله، خانواده
اوقانسيزUqansız : آتئيست (اوقانUqan : خدا در تركي قديم)
اولاشماقUlaşmaq : رسيدن
اولوUlu : كبير، اعظم
اولوسويوقUlusoyuq (آي): نويابر، نوامبر
اولونتوOluntu : پديده
اوينامانOynaman : آكتور، هنرپيشه
اؤته‌كÖtәk : تاريخ
اؤزگورلوكÖzgürlük : آزادي
اؤزله‌مÖzlәm : حسره ت
اؤزه‌نÖzәn : دقت، هوس
اؤلوتÖlüt : جنازه
ائتگيله‌مه‌كEtgilәmәk : تحت تاثير قرار دادن
ايچه‌رمه‌كİçәrmәk : حاوي بودن
ايلكهİlkә : اصل، پرنسيپ
ائلگونElgün : پاپ (موسيقي)
ايلگيله‌نمه‌كİlgilәnmәk : علاقه نشان دادن
ايله‌ريجيİlәrici : مترقي
ائيييتيمEyitim : تحصيل، آموزش
باسقيasqı : فشار، تضييق
بله‌نليكBәlәnlik : صحنه (اؤزبه ك)
بوزBoz (آي): فئورال، فوريه
بوزBoz : خاكستري
بولوشماقBuluşmaq : ملاقات كردن
بؤگوشBögüş : فلسفه
پوزوقPozuq : خراب
پيتيكPitik : كتاب
تاخيليTaxılı : آويخته
تانريدامTanrıdam : الاهي، سرودهاي ديني
تانيملاماقTanımlamaq : تعريف كردن
توپارTopar : گروه
توپلومسالToplumsal : اجتماعي
توتروقTutruq : وصيت
توتساقTutsaq : حبس
توتوجوTutucu : محافظه كار
توتومTutum : موضع
توركوTürkü : ترانه مردمي
توغراليTuğralı : رسمي
تؤره‌نTörәn : مراسم
تيكهTikә : قطعه موسيقي
تئيزهTeyzә : خاله (اسكي توركجه ده "تاي ائزهTay Ezә ". تايTay : به معني "از طرف مادر"، از ريشه "تاغاييTağayı " كه به زبان فارسي به صورت "دائي" وارد شده است؛ ائزهEzә : خواهر بزرگ)
چاغاÇağa : فرزند
چئشيتليÇeşitli : متنوع، گوناگون
دليرتمه‌كDәlirtmәk : ديوانه كردن
دوروشمه‌كDürüşmәk : غيرت كردن
دوزه‌نDüzәn : نظم، نظام
ده‌يينيمDәyinim : اشاره
دؤنوشومDönüşüm : تحول
دؤنه‌كDönәk : پشت كرده به آرمان خود
دؤنه‌مDönәm : دوره، عهد
دئنه‌تيمDenәtim : كنترل
سارسماقSarsmaq : به لرزه در آوردن
ساللارSallar : راك (موسيقي)
ساولاماقSavlamaq : ادعا كردن
ساوونماقSavunmaq : دفاع كردن
سرگيله‌مه‌كSәrgilәmәk : به نمايش گذاردن، عرضه كردن
سس ايريلدهرSәs irildәr : بلندگو
سوچلاماقSuçlamaq : متهم كردن
سورگونSürgün : تبعيد
سورونSorun : مشكل
سولونومSolunum : تنفس
سؤيله‌مSöylәm : ديسكورس، گفتمان
سينلاقSinlaq : قبرستان
فيرتيناليFırtınalı : طوفاني
قارشينQarşın : علي رغم
قامچيلاماقQamçılamaq : شلاق زدن، ترغيب كردن
قوشوقQoşuq : شعر
قويوQoyu : غليظ
قيرآچانQıraçan : آپرئل، آوريل
قيرقينQırqın : دلشكسته
قييينQıyın : جزا، مجازات
كسيمKәsim : بخش (جامعه)
كويKüy : موسيقي، موزيك
كويچوKüyçü : موزيسين
كويه‌شگهKüyәşgә : اوركئستر
گؤزه‌تيمGözәtim : مراقبت
گؤمولمه‌كGömülmәk : دفن شدن
اله‌شديرمه‌كӘlәşdirmәk : انتقاد كردن
ياپيتYapıt : اثر
ياخيچيYaxıçı : سوزان
ياشامYaşam : حيات، زندگي
يانيتYanıt : جواب، پاسخ
يوردداشليقYurddaşlıq : تابعيت
يورومYorum : تفسير
يوكونجلوكYükünclük : مسجد
يولچولوقYolçuluq : مسافرت
يونتمانYontmaq : مجسمه ساز
يوهالاماقYuhalamaq : هو كردن (يوه، ضد هورا)
يؤنله‌نديرمه‌كYönlәndirmәk : متوجه كردن، متمايل كردن
يؤنه‌تگيلYönәtgil : سياسي
يؤنه‌ليشYönәliş : تمايل
يئتمه‌زليكYetmәzlik : نارسائي
ييرYır : ترانه
ييراماYırama : اوپرا
يئرسوYersu : وطن (تركي قديم)
ييغاوYığav : آلبوم
يئلينYelin (آي): مارس
جم قاراجا ٥-٦ ياشلاريندا آناسي و تئيزه‌سينين پييانو چالماسينين ائتگيسييله يير سؤيله‌مه‌يه باشلاميشدير. "ايلك ايلله‌ريم تيياترچي آنا و آتامين دئنه‌تيمي، ائييتيمي و گؤزه‌تيمي ايله گئچدي.... موزييه يؤنه‌ليشيمده مني ان چوخ ائتگيله‌يه‌ن و يؤنله‌نديره‌ن آنام و چوخ سئودييم تئيزه‌م اولموشدور". آناسي ايرما توتو فله‌كييان، جومهورييه‌ت تاريخينين اونلو تيياتر، ييراما (اوپئرا) و سينئماچيلاريندان ايدي. جم قاراجا`نين گؤزه‌ل سسيني آناسي كشف ائتميشدير. ييراما اوزلوسو (صنعه‌تچيسي) اولان آناسينين تئيزه‌سي "روزا فله‌كييان" ايسه، جم قاراجايا ايلك نوتا بيلگيله‌ريني اؤيره‌ده‌ن كيمسه‌دير. جم قاراجا`نين ١٤ ياشيندا سئودييي و عاشيق اولدوغو سوآدييه‌لي نسرين آديندا بير قيزي ائتگيله‌مه‌ك اوچون ياپديغي "جاني گيتار" تيكه‌سي، قيزدان داها چوخ آناسي توتو`نو ائتگيله‌ميشدير. بونون اوزه‌رينه ده او جم قاراجا`ني كويچو (موزيسييه‌ن) ارول بؤيوك بورج`ون يانينا گؤتورموشدور. بئله‌جه جم قاراجا، آناسي توتو`نون سايه‌سينده موزييه باشلاميشدير.
اوشاقليغيندا اوزلوقلا (صنعه‌تله) ايچ ايچه بؤيويه‌ن جم قاراجا، گنج ياشلاريندا تيياتر ايله ده ايلگيله‌نميش و چئشيتلي اويونلاردا اويناميشدير. موزيك آلانيندا ايسه "جاگووارلار"، "ديناميتله‌ر"، "آپاشلار"، "قارداشلار"، "درويشان" و "ائديرداهان" توپارلاريني (قوروپلاريني) قورموش؛ بير آرا "موغوللار" و "قورتولان ائكسپرئس"له بيرليكده چاليشميشدير. "آپاشلار" توپاريندا باتي و دوغو كويله‌ريني سنتئزله‌مه‌يه چاليشدي. "درويشان" توپاريندا يؤنه‌تگيل ساللار كوي (پوليتيك راك موزيك) چاليشمالارينا يئر وئريپ، سول سؤيله‌مه گئچدي. توركييه راك موزييينده درين ايزله‌ر بيراخان درويشان توپاري، توركييه`ني او دؤنه‌مده آوروپادا وار اولان ايله‌ريجي (پيروقرئسيو) راك موزييي ايله تانيش ائتميشدير. جم قاراجا`نين قوردوغو ائديرداهان توپاريندا ياپديغي و بوتونويله ائپيك تئمالارلا بزه‌لي اولان "صفي ناز" ياپيتي، توركييه`نين ساييلي سمفونيك راك ييغاولاريندان (آلبوملا‌ريندان) بيري و بو اؤلكه‌ده ياپيلان ايلك راك ييراماسي (اوپئراسي)دير.
اؤزونو بير راك اوزاني اولاراق تانيملايان جم قاراجا`نين موزييي، توركييه`ني سارسان بير موزيك ايدي. اونون ييرلاري چوخ گنيش خالق كيتله‌له‌رينه اولاشدي. جم قاراجا، سسله‌نديردييي ييرلاردا آنادولو ازگيله‌رينين (مئلوديله‌رينين) پاپ راك ايله بولوشدوغو آيريق بير يوروم اورتايا قويدو و توركييه`نين او فيرتينالي ايلله‌ري ايله تورك راك موزييينين سمبول آدلاريندان بيري اولدو. جم قاراجا تكجه ييرلاري ايله دئييل، ياشامي ايله ده بير جومهورييه‌ت چاغاسي ايدي. عوثمانلي و تورك اؤته‌ييني (تاريخيني) چوخ ياخشي بيله‌ن و ساوونان جم قاراجا، توركييه`ده موزيك اوزلولارين ايچه‌ريسينده ان اكينجليله‌رينده‌ن (كولتورلوله‌رينده‌ن) بيري ايدي. تورك سولونون اؤنه‌ملي آدلاريندان اولان و او سيرالاردا اؤزونو كومونيست و اوقانسيز (آتئييست) دييه تانيتديران جم قاراجا، بير دؤنه‌م توركييه`ده اؤزگورلويون سسي اولموشدور. جم قاراجا، ييرلارينين سؤزله‌رينده توپلومسال گرچه‌كله‌ر ايله ياشانيلانلارا يئر وئرميش، اونلاردا هميشه پوزوق دوزه‌نه قارشي باش قالديرميشدير.
جم قاراجا ١٩٧٩دا عسكه‌ري چئوريليش (كودئتا) ايله باشلايان يوغون باسقيلار اوزه‌رينه آلمانيايا كؤچدو. اورادا ناظيم حيكمه‌ت`ده‌ن سونرا ان ياخيجي يئرسو اؤزله‌ميني (وطه‌ن حسره‌تيني) ايچه‌ره‌ن آلبوملار ياپدي. آلمانيادا غوربه‌ت حه‌ياتي ياشاركه‌ن بو اولكه‌نين اؤنه‌ملي كويه‌شگه‌له‌ري (اوركئسترالاري) ايله چاليشدي. بو آرادا توركييه`ده آرانمايا باشلاندي، ماللارينا ال قويولدو و ٢٠٠ ايل توتساق قييينينا (حبيس جزاسينا) چارپديريلدي. ١٩٨٣ده توركييه يوردداشليغيندان (وطه‌نداشليغيندان) آتيلدي. سككيز ايل ياريم سورگون ياشاميندان سونرا ١٩٨٧ده توركييه`يه گئري قاييتدي. بونون اوزه‌رينه اسكي يولداشلاري طره‌فينده‌ن دؤنه‌كليكله سوچلانيپ ديشلاندي. بو سوچلامالارا "يوردوما دؤنمه‌ك دؤنه‌كليك ايسه، من دؤنه‌يه‌م آرخاداش" دئمه‌كله يانيت وئردي. جم قاراجا ميليونلارجا توركييه‌لي اوچون، يوردونداكي دؤنوشومو تمثيل ائده‌ن بير اولونتو (فئنومئن) ايدي. دؤنوشونده سيياسي گؤروشله‌رينده يوموشاما و دين قونوسوندا ده‌ييشيم اورتايا چيخدي. بو دورومو، "اسكيده‌ن آغ و قارا وار ايدي، آنجاق من آرتيق بوزلاردايام" دييه آچيقلادي، "بير زامان آتئيست اولدوغومو سانيرديم، ... من قويو سولچو ايكه‌ن ده آللاها اينانيرديم، ... من هله ده سولچويام، آمما اينانجلييام دا" دئدي. اؤلومونده‌ن اؤنجه توتوجو (موحافيظه‌كار) كسيمين ده اؤزگورلوكله‌ريني ساووندو. بوينوندا گوموش بير زنجيره تاخيلي حض. علي`نين اوزكيپ (پورتره) و قيليجيني داشييان جم قاراجا، ياشام بؤگوشونو (فلسه‌فه‌سيني) قيزيلباش-بكتاشي اينانجي ايلكه‌سينه گؤره "اليمه، بئليمه و ديليمه صاحيب اولماق" و "آتامدان آلديغيم سوي آديمي عئيني گؤزه‌لليكده اوغلوما دئور ائده‌بيلمه‌ك" دييه آچيقلادي. جم قاراجا`نين بير سيرا سيياسي گؤروشله‌رينين ده‌ييشمه‌سينه قارشين، موزييي هئچ ده‌ييشمه‌دي. اونون موزييينده توپلومسال سورونلار، سئوگي و آنادولو توركوله‌ري هميشه يئر آلدي.
اؤلومونده‌ن اؤنجه‌كي سون ايكي ايلي، بار و كونسئرتله‌رده يير سؤيله‌يه‌ره‌ك گئچيردي. ٢٠٠٣ ايلينده چيخان "غزه‌ل" آدلي قوشوق پيتييينده (شئعير كيتابيندا) "دؤرد ايديك، ايكي قالديق" ديييردي. بو، باريش مانچو و فيكره‌ت قيزيل اوخ`ون اؤلومو و جم قاراجا ايله اركين قوراي`ين او ايلله‌رده ياشاديغينا ده‌يينيم (ايشاره) ايدي. جم قاراجا، ٨ بوزآي (فئورال) ٢٠٠٤ده ياشاما گؤزله‌ريني يومدو.
جم قاراجا`نين آتاسي تورك جعفه‌ري بير اوسوندان (عاييله‌ده‌ن) گليردي. اوغلونون دا جنازه‌سي تورك جعفه‌ري اينانجينا گؤره يويونوپ گؤمولدو. چونكو "بكتاشي مشره‌ب" جم قاراجا، سئچيميني بئله ياپميشدي. توتروغو (وصييه‌تي) اوزه‌ره، اؤلوتو (جنازه‌سي) اوسكودارداكي سئييد احمه‌د دره‌سي مسجيدي سينلاقيندا (قبريستانيندا) آتاسي محمه‌د ايبراهيم قاراجا`نين سيني (مزاري) اوزه‌رينه گؤمولدو (آناسي ايسه شيشلي ائرمه‌ني سينلاغيندا ياتير). باغلارباشي سئييد احمه‌د دره‌سي وقفي يوكونجلوك (مسجيد) و سينلاغي، گونئي و قوزئي آزه‌ربايجانليلارلا جعفه‌ري توركله‌رين يوكونجلوك و سينلاغي اولاراق بيلينير و توغرالي (رسمي) اولاراق دا ايرانليلار (عجه‌م) مزارليغي آدييلا ثبت اولونموشدور. اورادا عبدولقادير گؤلپينارلي و علي به‌ي حوسئين زاده ايله اوغلونون دا سيني ياتماقدادير. جم قاراجا "جنازه‌مي آلقيشلارلا دئييل، تكبيرله‌رله قالديرين" ايسته‌ميشدي. ايسته‌يينه اوياراق جنازه‌سينده آلقيشلانمادي، سس ايريلده‌رله‌رده‌ن (بلندگولاردان) تانريداملار (ايلاهيله‌ر) و قورآن`دان بؤلومله‌ر اوخوندو. توركييه اركله‌تينه (دئوله‌تينه) قيرقين اولدوغوندان دولايي، جنازه‌سينده اركله‌ت تؤره‌ني ايسته‌مه‌ميشدي. فوبيسينين يالنيز قالماق اولدوغونو سؤيله‌يه‌ن جم قاراجا`نين جنازه‌سينه قاتيلان اون مينله‌رجه اينسان، اونو سون يولچولوغوندا يالنيز بيراخمادي.
جم قاراجا`نين اونوتولمايان ياپيتلاري:
ائمراه (١٩٦٧)، رسيمده‌كي گؤزياشلاري (١٩٦٨)، كنديم ائتديم كنديم بولدوم (١٩٧٠)، آسكاروس دره‌سي (١٩٧٢)، ناموس بلاسي (١٩٧٤)، تعميرچي چيراغي، مني سيز دليرتدينيز (١٩٧٥)، پاركا (١٩٧٦)، صفي ناز (١٩٧٨)، حسره‌ت (١٩٨٠)، بكله مني (١٩٨٢)، مرحابا گنجله‌ر و هر زامان گنج قالانلار (١٩٨٧)، ييين افه‌نديله‌ر (١٩٩٠)، نرده قالميشديق (١٩٩٢)، مينديك بير علامه‌ته (١٩٩٩).
-----------------------------
(١)-گونئي آزه‌ربايجاندا آدي قاراجا (قراجه) اولان و يا آدينا بو كلمه‌ني داشييان اونلارجا يئر آدي واردير. او جومله‌ده‌ن اهه‌ر، مييانا، اورمو، بيجار، ماراغا، قزوين، مره‌ند، .... ده.
گرچه‌يه هو
سؤزلوك
آچيقلاماقAçıqlamaq : توضيح دادن
آشيريAşırı : افراطي، مفرط
آقچاAqça : پول
آيريقAyrıq : متفاوت، فرقلي
ال قويولدوӘl qoyuldu : مصادره شد
اركله‌تӘrklәt : دولت
ازگيӘzgi : ملودي
اكينجӘkinc : فرهنگ
اوچگولÜçgül : مثلت (اسكي توركجه)
اوراق (آي)Oraq : جولاي
اوزانOzan : خنياگر
اوزغانUzğan : ديپلمات (اوزغانماقUzğanmaq : مسالمت، تركي قديم)
اوزكيپÜzkip : پرتره
اوزلوUzlu : هنرمند
اوزلوقUzluq : هنر
اوسونUsun : عائله، خانواده
اوقانسيزUqansız : آتئيست (اوقانUqan : خدا در تركي قديم)
اولاشماقUlaşmaq : رسيدن
اولوUlu : كبير، اعظم
اولوسويوقUlusoyuq (آي): نويابر، نوامبر
اولونتوOluntu : پديده
اوينامانOynaman : آكتور، هنرپيشه
اؤته‌كÖtәk : تاريخ
اؤزگورلوكÖzgürlük : آزادي
اؤزله‌مÖzlәm : حسره ت
اؤزه‌نÖzәn : دقت، هوس
اؤلوتÖlüt : جنازه
ائتگيله‌مه‌كEtgilәmәk : تحت تاثير قرار دادن
ايچه‌رمه‌كİçәrmәk : حاوي بودن
ايلكهİlkә : اصل، پرنسيپ
ائلگونElgün : پاپ (موسيقي)
ايلگيله‌نمه‌كİlgilәnmәk : علاقه نشان دادن
ايله‌ريجيİlәrici : مترقي
ائيييتيمEyitim : تحصيل، آموزش
باسقيasqı : فشار، تضييق
بله‌نليكBәlәnlik : صحنه (اؤزبه ك)
بوزBoz (آي): فئورال، فوريه
بوزBoz : خاكستري
بولوشماقBuluşmaq : ملاقات كردن
بؤگوشBögüş : فلسفه
پوزوقPozuq : خراب
پيتيكPitik : كتاب
تاخيليTaxılı : آويخته
تانريدامTanrıdam : الاهي، سرودهاي ديني
تانيملاماقTanımlamaq : تعريف كردن
توپارTopar : گروه
توپلومسالToplumsal : اجتماعي
توتروقTutruq : وصيت
توتساقTutsaq : حبس
توتوجوTutucu : محافظه كار
توتومTutum : موضع
توركوTürkü : ترانه مردمي
توغراليTuğralı : رسمي
تؤره‌نTörәn : مراسم
تيكهTikә : قطعه موسيقي
تئيزهTeyzә : خاله (اسكي توركجه ده "تاي ائزهTay Ezә ". تايTay : به معني "از طرف مادر"، از ريشه "تاغاييTağayı " كه به زبان فارسي به صورت "دائي" وارد شده است؛ ائزهEzә : خواهر بزرگ)
چاغاÇağa : فرزند
چئشيتليÇeşitli : متنوع، گوناگون
دليرتمه‌كDәlirtmәk : ديوانه كردن
دوروشمه‌كDürüşmәk : غيرت كردن
دوزه‌نDüzәn : نظم، نظام
ده‌يينيمDәyinim : اشاره
دؤنوشومDönüşüm : تحول
دؤنه‌كDönәk : پشت كرده به آرمان خود
دؤنه‌مDönәm : دوره، عهد
دئنه‌تيمDenәtim : كنترل
سارسماقSarsmaq : به لرزه در آوردن
ساللارSallar : راك (موسيقي)
ساولاماقSavlamaq : ادعا كردن
ساوونماقSavunmaq : دفاع كردن
سرگيله‌مه‌كSәrgilәmәk : به نمايش گذاردن، عرضه كردن
سس ايريلدهرSәs irildәr : بلندگو
سوچلاماقSuçlamaq : متهم كردن
سورگونSürgün : تبعيد
سورونSorun : مشكل
سولونومSolunum : تنفس
سؤيله‌مSöylәm : ديسكورس، گفتمان
سينلاقSinlaq : قبرستان
فيرتيناليFırtınalı : طوفاني
قارشينQarşın : علي رغم
قامچيلاماقQamçılamaq : شلاق زدن، ترغيب كردن
قوشوقQoşuq : شعر
قويوQoyu : غليظ
قيرآچانQıraçan : آپرئل، آوريل
قيرقينQırqın : دلشكسته
قييينQıyın : جزا، مجازات
كسيمKәsim : بخش (جامعه)
كويKüy : موسيقي، موزيك
كويچوKüyçü : موزيسين
كويه‌شگهKüyәşgә : اوركئستر
گؤزه‌تيمGözәtim : مراقبت
گؤمولمه‌كGömülmәk : دفن شدن
اله‌شديرمه‌كӘlәşdirmәk : انتقاد كردن
ياپيتYapıt : اثر
ياخيچيYaxıçı : سوزان
ياشامYaşam : حيات، زندگي
يانيتYanıt : جواب، پاسخ
يوردداشليقYurddaşlıq : تابعيت
يورومYorum : تفسير
يوكونجلوكYükünclük : مسجد
يولچولوقYolçuluq : مسافرت
يونتمانYontmaq : مجسمه ساز
يوهالاماقYuhalamaq : هو كردن (يوه، ضد هورا)
يؤنله‌نديرمه‌كYönlәndirmәk : متوجه كردن، متمايل كردن
يؤنه‌تگيلYönәtgil : سياسي
يؤنه‌ليشYönәliş : تمايل
يئتمه‌زليكYetmәzlik : نارسائي
ييرYır : ترانه
ييراماYırama : اوپرا
يئرسوYersu : وطن (تركي قديم)
ييغاوYığav : آلبوم
يئلينYelin (آي): مارس
Sozumuz, a window opening to the life/culture of the turkish nation of iran/south azerbaijan:
http://sozumuz.blogspot.com/
http://sozumuz-turk-dovletler.blogspot.com/
http://sozumuz.blogspot.com/
http://sozumuz-turk-dovletler.blogspot.com/
No comments:
Post a Comment