اشرف اووا رسمیه صابیر قیزی ماساللی رایونونون ارکیوان که ندینده آنادان اولوب. اینشائات موهه ندیسله ری یونیوئر سیتئتینی بیتیریب. ایختصاصجا ایقتصادچی موهه ندیسیر.
حاضیردا آذربایجان میللی عئلم له ر آکادئمییا سینین ایقتصادییات اینستیتوتوندا عئلمی ایشچی و آذربایجان کوئوپتراسییا یونیوئر سیتئتینده «ایقتصادی نه ظه رییه» کافئدراسیندا موعللیم اولاراق جالیشیر.
آذربایجان یازیچیلار بیرلیینین عوضوودور ۲۰۰۰- جی ایلده
تورکییه ده کئچیریله ن ۱- جی «بین الخالق»، «فضولی» شئعر یاریشیماسینین موکافاتچیسی دیر. یوزده ن چوخ شئعرینه ماهنی به سته له نیب. ۲۰۰۲- جی ایلده سؤزله رینه یازیلمیش ماهنی لاردان عیباره ت «سه نی آرادیم» آئودییو کاسسئت و دیسک ایشیق اوزو گوروب. ۲۰۰۳- جو ایلده چاپ اولونموش «حه بس اولونموش سوکوت» آدلی شئعر له ر کیتابی و ۲۰۰۴- جو ایلده دونیا گه نج تورک یازارلار بیرلیینین و یئنی یازارلار و صه نه تچی له ر قورومونون دیبلومالارینا لاییق گؤرولوب.
دونیا گه نج تورک یازارلار بیرلیینین مه جلیس عوضوو دور. مه رکه زی تورکییه نین «کایسئری» شه هه رینده یئرله شه ن «آناسام» اده بی بیر لیینین آذربایجان اوزره ته مثیلچیسی دیر.
آذربایجانی موخته لیف بئین الخالق ته دبیر له ر ده («تورکیه» دهII بئین الخالق فضولی شئعر یاریشماسیندا و تورک دونیاسی شئعر فئستیوالیندا، «کیریم» دا «III» بئین الخالق توکات یئشیل ایرماق شئعر فئستیوالیندا، دونیا تورک گه نجله ری بیرلیینین رومینییادا XI و تورکییه ده XII قورولتایلاریندا و…) ته مثیل ائدیب روس و اینگیلیس دیلله رینده ن ته رجومه له رین یازاری دیر.
شئعرله ری تورکییه، عیراق، ایسوئچ «سوئد»، ایسوئچره «سویس»، آلمانییا و باشقاخاریجی اؤلکه له رده چاپ اولونوب. آذربایجانین گؤرکه ملی و هونه ر به سله ین خالقی، خالق اوچون یاشایانلاری اونودمویوب و تاریخ بویو اونلاری و بوتون شئعر، فولکلور، تاریخ، دیل، کولتور و زه نگین ادبییات ساحه سنیده چالیشانلاری و ماراق گؤسته رنله ری عه زیز توتوب، ده یه رلی سانیب و ابه دیله شدیره جه کدیر. اونلارین بیریسی «رسمییه صابیرقیزی» دیر. «رسمییه» خاتیمین شئعرله رینده آیدین فیکیر، ایجتماعی مه فکوره له ر، اینجه مه عناله ر تاپدالانمیش حه سره ت و ده رین دویغو، آچیق و گئنیش باخیش، اویغون سؤزله ر و … گؤرونور.
دوشوندوم صه فالی سؤی دونیاسیندا
دیوان یاراتماغا یانماق گه ره کدیر
هونه ر مئیدانیندا قودره ت گؤسته رمه ک
ائل ده ردین ده ریندن قانماق گه ره کدیر
«اویاق»
«رسمییه صابیرقیزی» نین شئعرینین به نده رینده، میصراعلاریندا، حه سره ت، شیکایه ت، ایسته ک، اولوآرزی، اوجاهارای، ایپه کلی خه یال، گؤزه ل ماراق، جوشغون دویغو، قایناقلی صه لابه ت، ته مه للی شه رافه ت و اؤزه للی فه خامه ت دویولور. «اؤره گین»- که ده ر ده نیزی قایناقدادیر وائل- اوبانین ده ردی دالغالانیر و او خالقین ایسته ک و اینامی نین یولوندا یورولمایان ائل خادیمی دیر و بیر حه قیقه ت مودافیعه چی سی کیمی شئعر مئیدانیندا آددیم آتیر و دایانیر و آذربایجانین موقه دده س اینام و دوزگون عه هدین و ایلقارین اوجا سس ایله باغیریر و ائل- اوبانین آغیر ده ردله رین شئعرینین، سؤزونون و اؤزونون چیگنینده داشاییر و اؤزوده ده ردله رین اوره گینده و ده ردلی اوره کله رده یاشاییر و سؤزونو و اؤزونو ابه دیله شدیریر:
بیر قالین کیتاب وار- بیر قالان کیتاب
یازاندا ائله یاز کیتابینی سه ن
«قالین» نان اولماسین، «قالان» نان اولسون
«زلیم خان یعقوب»
یوکسه ک شئعر و اوستون سؤز اودورکی اوره کده ن قاینایا و آیری اوره کله رده یئر آچا و شه ره فلی شاعیر اودورکی اوره که له رین بیر بیرایله قوووشماسینا چالیشا و ائل آرسیندا یاشایا واونلارلا آغلایا و اونلارلاگوله:
آغریمایان اوره ک اولاباش اولا
جان سیرداشم تورپاق اولاداش اولا
آرزی لارین سایی قه ده ریاش اولا
عؤمور وئرره م خیدمه تینه بو خالقین
«زلیم خان یعقوب»
اویاق شاعیرین و آییق یازارین چه کدییی نه فه سده اؤزونون ده ییل. اوره گینین چیرپینماسی، گوزونون یاشی، سؤزو، سه سی، هارایی، خالقینا و ائیلینه باغلی دیر. هئچ بیرزاد اونو سوسدورانماز و پارلاق حه قیقه تده ن آییرانماز.
شاعیر بیر ده نیزدیر ساکیت دورسادا
واخت اولار کوکره ییب قایالارییخار
مه عناسیز، هه ده فسیز ده ییل حه یاتی
قوروموش چؤل له ره بولاق ته ک آخاز
«اویاق»
آغیر دوشونجه لی، اوره ک سؤزون یازان، اولوسون ده ردین قانان، قارانلیغین باغرین دئشه ن، که سگین دیللی و آیدین باخشیلی شاعیره اؤلومون مه عناسی یوخدور و بوتون یاشاییشیندا پارلاق اولدوز کیمی پاریلدایار و اؤلمه یه ن آبیده له رته کین ادهب دونیاسینا زه نگین شه ره ف و شانلی ووقار باغشیلایار.
شاعیرین دونیاسی اویاق دونیادیر
اونوهئچ بیر لایلا یوخلادا بیلمه ز
بوسبوتون صه فادیر، عئشق ایله شوردور
یارادیب یاشایان هئچ زامان اؤلمه ز
«اویاق»
«رسمییه» خانیم شئعر له رینده یارالانمیش اوره کله ر، کؤز قویولموش سینه له ر و دوز باسیلمیش یارالاردن سؤز آچیر و اونلارا دوزگون مه لحه م آختاریر و شئعرینین گوزگوسنده مین له ر یول اؤنه ملی آماجاچاتماغا گؤسته ریر:
یولو مون اوستونده ده رین
قازیلمیش قویولار بوشدو
قویولاری قازان بیلمیر
بویولالار گاه کوسکون ائنیش
گاه دا نه شه لی یوخوشدو
«بیزیم آرامیزدا مین ایللیک یول وار»
بیزیم آرامیزدا مین ایللیک یول وار
اؤزومه یاخینسان مه نده ن، ایلاهی
ایچی جاه – جه لاللی جاهان وئرمیسه ن
دوروب سیئر ائدیره م گئنده ن، ایلاهی
قه م جان یولداشیمدیر، که ده ر سئوگیلیم
سؤزله دو غرانیم هئی دیلیم – دیلیم
یئرده ن آیاقلاریم اوزولوب، الیم
آسیلیب سه مادا سه نده ن، ایلاهی
یولومو گؤیله رده ن یئره دؤنده دردیم
هه رکه لمه سؤزونو دوره دؤنده ردیم
مه ن سه نی میلیوندان بیره دؤنده ردیم
سه ن مه نی آییردین مینده ن، ایلاهی
بیر آز گئج دوغولدوم، بیر آزجا ائر که ن
مه نیم صه بریمده ن ده اوزونموش اؤر که ن
سه نه اوره ییمده ن یوللار وار ایکه ن
کؤرپو نه یه لازیم «ته ن» ده ایلاهی
«حه سره ت آداسیندا»
باشیمین اوستونده ته نها بیر اولدوز
مه نیم ته ک په ریشان، مه نیم ته ک یالقیز
بیر مه نه م، بیر خه یال، بیرده کی، پاییز
حه سره ت آداسیندا یاشاییرام مه ن
کوله یین ساحیله ووردوغو سولار
کور اولان به ختیمین گؤزونه دولار
شوبهه له ر ایچینده اومیدیم سولار
حه سره ت آداسیندا یاشاییرام مه ن
اوره ک دؤزه بیلیر هه له بیر ته هه ر
یئدیییم که ده ردیر، ایچدیییم قه هه ر
هه رده ن اوشاق کیمی آغلاییر سه حه ر
حه سره ت آداسیندا یاشاییرام مه ن
دالغالار یویوبدور آیاق ایزینی
اوزوب کئچه ممیره م قه م ده نیزینی
بوردا هه رشئی کؤهنه، عه ذابسایئنی
حه سره ت آداسیندا یاشاییرام مه ن
«گؤی اوزونون داشی آغیر»
بویاش گؤزومه سیغیشمیر
گؤزله ریمین یاشی آغیر
فه له کله جه نگه چیخمیشام
عؤمرومون ساواشی آغیر
ایچی قورو، چؤلو یاشام
گؤز یاشیندا ایسلانمیشام
قه ده رده ن مه کتوب آلمیشام
بوعؤمورون قیشی آغیر
یولوم اوسته بوداش نه دی؟
او باهار نه، بو قیش نه دی؟
فه له ک ساخلایا بیلمه دی
گؤی اوزونون داشی آغیر
«آزادلیق»
ده میر بارماقلیقلار آرخاسیندا
آزادلیق یاشاییر
بویوحه بس خانا دیوارلاریندان
اوجا
یاشی اساره تده ن بیر آزجا قوجا
نه فه سی اؤلو جانلاری اوشودور
… شوبهه له رهه له ده ن جان چه کیشمه سینده دیر
«اولوم» لا «اؤلوم» آراسیندا
sulduz.araz@yahoo.com
No comments:
Post a Comment