“Düşmənin əlində əsirəm, demək ki, varam”: Üç Səid Üçün

Arif Kəskin

İnsanlığın ən böyük hədəflərindən biri siyasəti əxlaqiləşdirmək olsa da,

ancaq günümüzə qədər başarılı olmamışdır. Siyasət əxlaq qılıfında əxlaqi yox

etməyi hədəfləmişdir. Düşmən və dost ayrımı siyasətin özünü və əsli mahiyyətini

təşkil etmişdir . Düşmən yox olması gərəkən və məhv olması məcburi olan

varlıqdır siyasətdə. Bizi düşmən seçənlər məhv olmamızı istəyirlər demək. Zindana

atırlar. Edam edirlər. Hədə-qorxuyla susdurmaq istəyirlər bizi . Susmaq yox

olmaq deməkdir. Hədə-qorxuyla susmadığımız zaman canımıza qəsd edirlər.

Canımızı ala bilmədiklərində böhtan atırlar, təhqir edirlər. Belə işləyir

düşmanın bizi yox etmə çarxı.

`Düşünürəm, demək mən varam` demiş ronesans filəsufu. Siyasətdə işlər

tərsinə işləyir tə`əssüflə. Tutulursansa, zindana atılırsansa, darağacı

gözləyirsə səni, hədə-qorxu eşidirsənsə, təhqir və böhtan atılırsa sənə `mən

varam` deyə bilərsən. Özü də şəhərin ən yüksək yerini seçib bütün var gücünlə

qışqıra bilərsən ` mən varam`. “Görəsən mən varam?” sualına cavabım yoxdur.

Ancaq bütün var gücümlə qışqıra bilərəm ki, sən varsan. `Düşmənin əlində

əsirəm, demək ki, varam"

Nə qərib dünyadır dünyamız : söyüldüyümüzdə, döyüldüyümüzdə ,

tutulduğumuzda, təhqir edildiyimizdə `biz varıq` deyəbilirik. Mübarəzəmiz bu

səbəblə. Mən sorqucumdan ( bazcu) ilk yumuruğu yediyim zaman haqlı olduğumu

anlamdım. Zindana atıldığım ilk gün azad olduğumun xoşbəxtliyini doyunca yaşadım.

İndi sən ən azad insansan . İndi sən ən xoşbəxt insansan. İndi içimizdəki ən

diri sənsən. İndi sen o qədər azadsan ki, göylərə baxnda səni görürəm: mehriban

əllərinlə qaranlığın kobud çirkinliyini yarırsan. O qaranliq nə qədər çirkin nə

qədər yırtıcı olasa da, sənin kiçik ışığını yox edəbilməz. Çünki, sən əsir

olduğun anda günəş oldun, çay oldun, orman oldun və ən gözəli zifiri qaranlıqda

aanamın fətirinə bənzəyən görkəmli ay oldun. Gözüm səndə, könlüm səndə. Bax

demək ki , varsan. Işığınla məni də yaşadırsan. Düşmən o qədər kordur ki,

ışığınla bütün eli aydınlatdığını görəbilmir. `Çiçəklərin ləçəklərinə bunları

qoparmayın yazmışlar, təssuflə küləyin oxuma-yazması yoxdur`.

http://www.saidnaimi.net/index.php?option=com_content&view=article&id=59:1390-05-15-19-56-03&catid=3:team