AZƏRBAYCAN
کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
xoş günlərin getmir mudam xəyalımdan,AZƏRBAYCAN
سندن اوزاق دوشسم ده من عشقین ایله یاشاییرام،
یارالانمیش قلبیم کیمى، قلبی ویران آذربایجان.
yaralanmış qəlbim kimi,qəlbi viran,AZƏRBAYCAN
بوتون دونیا بیلیر سنین قودرتینله، دؤولتینله
bütün dünya bili sənin qudrətinlə,dövlətinlə
آباد اولوب، آزاد اولوب مولکی ایران، آذربایجان.
abad olub,azad olub mülk-i İran AZƏRBAYCAN
بیسوتونی اینقیلابدا، شیرین- وطن اوچون فرهاد
bisutun-i inqilabda şirin - vətən üçün fərhad
کولونگ وورموش اؤز باشینا، زامان- زامان، آذربایجان.
külüng vurmuş öz başına,zaman - zaman,AZƏRBAYCAN
وطن عشقی مکتبینده جان وئرمگی اؤیرنمیشیک،
vətən eşqi məktəbində can verməgi öyrənmişik,
اوستادیمیز دئییب هئچدیر وطنسیز جان، آذربایجان.
ustadımız deyib heçdir vətənsiz can,AZƏRBAYCAN
قورتارماق چون ظالیملرین الیندن رئی شومشادینی،
qurtarmaq üçün zalimlərin əlindən rey şumşadını,
اؤز شومشادین باشدان- باشا اولوب آل قان، آذربایجان.
öz şumşadın başdan - başa olub al qan,AZƏRBAYCAN
یارب، ندیر بیر بو قدر اورکلری قان ائتمگین،
yarəb,nədir bir bu qədər ürəkləri qan etməgin
قولوباغلی قالاجاقدیر نه واختاجان آذربایجان؟
qolubağlı qalacaqdır navaxtacan,AZƏRBAYCAN
ایگیدلرین ایران اوچون شهید اولوب، عوضینه
igidlərin İran üçün şəhid olub,əvəzinə
درد آلمیسان، غم آلمیسان سن ایراندان، آذربایجان.
dərd almısan,qəm almısan sən İrandan,AZƏRBAYCAN
اؤولادلارین نه واختا دک ترکی- وطن اولاجاقدیر؟
?övladların navaxtadək tərk-i vətən olacaqdır
ال- اله وئر، عیصیان ائله، اویان، اویان، آذربایجان.
əl - ələ ver,isyan elə,oyan,oyan,AZƏRBAYCAN
بسدی فراق اودلاریندان کول الندی باشیمیزا،
bəsdi fəraq odlarından kül ələndi başımıza,
دور آیاغا، یا آزاد اول، یا تامام یان، آذربایجان.
dur ayağa,ya azad ol,ya tamam yan,AZƏRBAYCAN
شهریارین اورییده سنین کی تک یارالیدیر،
Şəhriyar-ın ürəyidə səninki tək yaralıdır
آزادلیق دیر منه ملحم، سنه درمان، آذربایجان.
azadlıqdır mənə məlhəm,sənə dərman,AZƏRBAYCAN
HZIRLAYAN:ELMAN URMU OĞLU
No comments:
Post a Comment