فارسی دانیشیرسان جارهاجار ایله تورکی نی دانیرسان افتخار ایله
تورکی دانیشدیغین" ترکی بيلميرم" فارسی نی تؤکورسن شارهاشار ایله
عجب ده افتخار ائدیرسن بونا سانکی برابر سن مین سوار ایله
اؤزون اؤزلوگونو تانیماییرسان بیلمیرسان روجاهسان هانسی یار ایله
ایکی قات اولور سان بیر فارس گؤرجک یئددی قات دوشمنسن تورک – تاتار ایله
تاتارین کیم لیگین بیلسه ایدین هاچان بئله ائتمز ایدین او نگار ایله
آغزیندان ککیره – بیبار تؤکولور گؤروم آغزین دولوسن زهرمار ایله
بو قیریلداتماغا ائتمه افتخار گؤزله مه آلقیشی انتظار ایله
ائتدیگین بو ایشین معناسین بیلسن اوتوروب آغلارسان زارهازار ایله
افتخار بوندا یوخ اوندادیر کی سن اؤزوندن ائده سن شرم ، عار ایله
افتخار اوندادیر کی اؤز دیلینی دانیشا بیله سن اقتدار ایله.
No comments:
Post a Comment