بو
تانريداملار اون دوققوزونجو يوز ايلده آزه‌ربايجان`ين اورمو شهه‌رينده ياشايان
كلداني-كاتوليك آسورولارين اوخودوغو و سؤيله‌دييي توركجه ايلاهيله‌ردير. بونلار
گونوموزده ده باتي آزه‌ربايجان اوستاني كلداني-كاتوليك كيليسه‌سي تؤره‌نله‌رينده
سئيره‌ك اولسا بيله اوخونماقدادير. ابوالفرج اؤز پيتييي "مختصرالدول"ده
بو تانريداملارين خيريستييانليغي قبول ائده‌ن تورك و موغوللار اوچون يازيلديغيني
سؤيله‌مه‌كده‌دير. سؤزو ائديله‌ن توركجه تانريداملار ١٨٩٣ ايلينده پاريس`ده پاول
بيژان طره‌فينده‌ن "عيبادات كروتا" آدلي پيتيكده يايينلانميشدير. بو
توركجه تانريداملارين نوتالاريني بيله‌ن و اونلاري دوزگون بيچه‌مده اوخويابيله‌ن
ياشلي نئچه شخص گونوموزده واشينگتون`ون آسورولارلا مسكون بير يؤره‌سينده ياشاماقداديرلار.
(قايناق: Recep Albayrak Hacaloğlu, Türkmen ve Asur kiliselerinde
okunan Türkçe ilâhi metinleri. Türk Kültürünü Araştırma Enstitüsü Yayınları:
150, Seri: VI, Sayı: A.1, 1995)
هله‌لويا
(سئوينج ييري)
بوگون
عاله‌م شريف اولدو
ربب`يميز
دونيايا گلدي
باكيره‌ده‌ن
اوغلان دوغدو
هله‌لويا،
هله‌لويا، هله‌لويا
مريه‌م
قيدديسله‌ر قيدديسي
نورلانديردي
قلبيميزي
گوناهدان
قورتاردي بيزي
هله‌لويا،
هله‌لويا، هله‌لويا
دوغولدو
گؤك يئر پادشاهي
بيزده‌ن
موعاف ائتدي گوناهي
چاغيردي
ايران شاهلاري
هله‌لويا،
هله‌لويا، هله‌لويا
بيتيلحيم`ده
ربب دوغولدو
گؤك
قاپيلاري آچيلدي
يئر گؤك
ايشيق نوردان دولدو
هله‌لويا،
هله‌لويا، هله‌لويا
گؤكده‌ن
نور نرديوان اولدو
مله‌كله‌ر
(هپ) ائندي گلدي
بير
آوازنان سوبحان دئدي
هله‌لويا،
هله‌لويا، هله‌لويا
ايحيا
ائتدي اؤلوله‌ري
قورتاردي
گوناهكارلاري
كيم
دوغولدو آللاه اوغلو
هله‌لويا،
هله‌لويا، هله‌لويا
هئرودئس
كافير ائشيتدي
گؤر بو
ظاليم نه ايش ائتدي
نئجه
گؤزله‌ري ياش ائتدي
هله‌لويا،
هله‌لويا، هله‌لويا
دئوله‌تلي
طيفيل اوشاقلار
آنالاري
نه ائتديله‌ر
فيغان
ائديپ آغلاديلار
هله‌لويا،
هله‌لويا، هله‌لويا
سوبحاناللاه
بو هئيبه‌ته
هله‌لويا
بو حيكمه‌ته
كيم گلدي
بو مرحه‌مه‌ته
هله‌لويا،
هله‌لويا، هله‌لويا
بوگون
دوغولدو كيريستوس
سوبحاناللاه
قوددوس قوددوس
بابا،
اوغول، روح القودوس
هله‌لويا،
هله‌لويا، هله‌لويا
سوبارا
دي مات مريم (ايديز مريه‌م سئوينجييي)
احه‌د
گونو ساباهدان
جبراييل
ائندي گؤكده‌ن
مريه‌م`ه
سالام سالدي
مريه‌م
اوندا هاپلاندي
يا
جبراييل، يا مله‌ك
مني
ائيله‌دين هلاك
بؤيله
سؤزله‌ر ديييرسه‌ن
مات
قالير جومله فله‌ك
جبراييلام
گلميشه‌م
گؤيده‌ن
يئره قونموشام
آغام مني
گؤنده‌رميش
مشوه‌ره‌ته
گلميشه‌م
يئنگيدير
بو جاوابين
غريبدير
مشوه‌ره‌تين
من تعه‌ججوب
قاليرام
چوخ
چتيندير خيدمه‌تين
قيز
ائشيت نه ديييره‌م
سن
پاكسان، من بيليره‌م
آللاهدان
ائشيتديييم
سنه
معلوم ائديره‌م
كيم
گؤرموش كيم ائشيتميش
هانسي
زاماندا اولموش
بير
بتول، حه‌يالي قيز
باكيره،
اوغلان دوغموش
سن مله‌ك،
روحانيسه‌ن
واجيبدير
هم بيله‌سه‌ن
من كيشي
گؤرمه‌ميشه‌م
نئچون
بؤيله ديييرسه‌ن
يا مريه‌م
سن بتولسه‌ن
جومله
مخلوقدان پاكسان
آللاه
سني سئويپدير
روح
القودوس گلينيسه‌ن
من
ميسكينه‌م، معزولام
پادشاه
قيزي دئييله‌م
بؤيله
سؤزله‌ر ديييرسه‌ن
چوخ تعه‌ججوب
قاليرام
ايليشوا`دان
ضروردور
هئچ
دوغماميش قيسيردير
سنين سبه‌بين
اوچون
آلتي آي
حاميله‌دير
يوخدور
پادشاهلار قيزي
خانلار،
سولطانلار قيزي
من آلچاق
جرگه‌سييه‌م
نه گؤنده‌ريپ
بو سؤزو
جومله
جوووت ييغيلسين
موعه‌لليمله‌ر
وابال قورسون
ايشايا
نبي سؤزو
قوي
اوخونسون، لال اولسون
جبراييل
قويدو گئتدي
مله‌كله‌ر
تعه‌ججوب قالدي
مله‌كله‌ر
آواز ائتدي
آللاهيميز
نه ائتدي
مرثييه
(آغيت)
خاج
آلتيندا اغليردي واليده سولطان
اوغلوينان
سؤيله‌شيردي، من اونا حئيران
آغلاما،
آغلاما، دردلي آغلاما
آغلاما،
آغلاما، آغلاتما مني
آغلارام
آغلارام، آلديلار منده‌ن
من
قالديم يالقيز، آيريلديم سنده‌ن
آغلاما،
آغلاما، وئره‌ره‌م امانه‌تي
يوحه‌ننا
سئوگيليم، قوي سنه اولسون ائولاد
آغلارام،
آغلارام، گؤره‌ره‌م سني
آغاج
اوسته آسيلميش، تؤكوله‌ر قانين
آغلاما،
آغلاما، وئر سو كيم ايچيم
نئجه كيم
سوسوزام، اؤلمه‌ييم گئچيم
آغلارام،
آغلارام، سنه يانارام
جانيم
قوربان ائيله‌ره‌م، دردين چكه‌ره‌م
دوروگي
دي مات مريم-١ (ايديز مريه‌م تانريدامي-١)
مريه‌م
آنا، شيرين آنا
مريه‌م
آنا، حنون آنا
گل بيزي
گؤتور ديوانا
مريه‌م
آنا پئيغاميسان
يعقوب`ون
نرديوانيسان
گل گؤيه
چيخارت بيزي سن
من
قولونام، مريه‌م آنا
جبراييل
گتيردي سالام
دوغولدو
ايبن اول-موقه‌دده‌م
زينداندان
قورتاردي آدام
شادليق
اولدو مريه‌م آنا
قودس-ي
شريف`ين سئيغاني
ائولييالارين
كلامي
سني
سئودي عاله‌م رببي
خوب
ياراتدي مريه‌م آنا
كيم سنين
قاپييان دوشدو
حاقلي
مورادا قاويشدي
آدين
ائشيده‌نله‌ر شاشدي
حيكمه‌تين
چوخ، مريه‌م آنا
مريه‌م
آنا شرده‌ن اوزاق
نرديواني
قيرخ مين آياق
سنده‌ن
گوناهكارا داياق
يارديمجيسان
مريه‌م آنا
روح
القودوسون گليني
كيتابدا
گؤردوم يئريني
سنسه‌ن
شيرينله‌ر شيريني
گؤيچه‌ييم(سه‌ن)
مريه‌م آنا
دوروگي
دي مات مريم-٢ (ايديز مريه‌م تانريدامي-٢)
ائي
باكيره‌له‌ر پادشاهي
منه بير
حال آييداگؤر
قاپييان
گلديم (من) دوشدوم
منه بير
چار آييداگؤر
چوخ
اوزاق يولدان گلميشه‌م
چوخ
جفالاري چكميشه‌م
يا عزيز
باكيره مريه‌م
منه بير
رحم آييداگؤر
شول
اوزون منده‌ن چئويرمه
اول
حبيبين حاققي اوچون
چاراسيز
قالديم، كسيلديم
منه بير
چارا آييداگؤر
شول گؤزه‌ل
ايسم-ي شريفين
مدحيني
آييدار ايكه‌ن
ضاييع
ائتديم نظه‌ريمي
بولمايا
گلديم وئره‌گؤر
نيييه‌تيم
بؤيله دئييلدي
(كيم)
مني بؤيله سالاسان
دوست-و
دوشمه‌ن آراسيندا
سينيق
اولدوم، (بير) بؤيله گؤر
شماته‌ت
ائتمه، صبر ائيله
اينجيلين
سؤزو(نو) دينله
زيرا كيم
صبر ائيله‌يه‌نين
آخيري
خئيردير، بؤيله گؤر
شؤيله
سانما سني سالديم
يئته‌ر،
آغلاما يئته‌ر
يئره
سيزلاييپ سرينمه
دور
آياغا، (بير) باخاگؤر
دئدييين
سؤزو ائشيتديم
شول
موراديني وئره‌ييم
نظه‌رين
آل، گئرييه گئت
ائتديييمي
(بير) سؤيله‌يه‌گؤر
يا حقير،
(يا) پاتراق يوسوف
نظه‌رين(ي)
آلدين تامام
حضره‌ت-ي
مريه‌م ايسمينين
داييم
مدحيني آييداگؤر
دوروگي
(تانريدام)
يا سيتته
العذرا بتول
ريجاميز
ائيله مقبول
بيز
خطاييله‌ر گوناهكار(لار)
يا يسو
رحم ائيله بيزه
گوناهلار
باشيمدان آشدي
بير اوجو
عرشه ائريشدي
جومله
جسه‌ديم بولاشدي
يا يسو
رحم ائيله بيزه
جومله
يارالاريم قوخودو
قوخودان
خالق ايكراه اولدو
سنده
مرحه‌ميم بولوندو
يا يسو
رحم ائيله بيزه
هپ
گوناهلار تكميل اولدو
جومله‌سي
منده بولوندو
شريعه‌ت
واختي گؤروندو
يا يسو
رحم ائيله بيزه
آديندير
سيرلي قودره‌تين
آللاه(ين)دير
سلطه‌نه‌تين
عده‌دسيزدير
مرحه‌مه‌تين
يا يسو
رحم ائيله بيزه
ائي ها
القوددوس ميكاييل
ائي ها
القوددوس جبراييل
ائي ها
القوددوس رافاييل
سيز ريجا
ائيله‌يين بيزه
يئكون
جومله مله‌كله‌ر
هر واخت
طاعه‌ت ائده‌رله‌ر
يا
ارواح-ي ال-طوبانيله‌ر
سيز ريجا
ائيله‌يين بيزه
يا مار
يوحه‌ننا، ال-ماعمودان
يسو
يانيندا مغلوبسان
گوناهدان
غرق اولموشام من
يا يسو
رحم ائيله بيزه
حاقسان،
هسسه‌ن (؟) مار ايلييا
جومله
ائولييا و انبييا
بيز اوز
قارا بيچارايا
يا يسو
رحم ائيله بيزه
قيسا
سؤزلوك:
آييداگؤر:
سؤيله، دي
باخاگؤر:
باخ
بتول:
اركه‌كله‌رده‌ن اوزاق دوران، چكينه‌ن و قاچان قادين و قيز
بيتيلحيم:
بيت اللحم، حض. عيسا`نين دوغوم يئري
احه‌د
گونو: آراگون
ائي ها
القوددوس: ائي قوتسال مله‌ك
هابلانماق:
شاشيرماق، تانلاماق
هله‌لويا:
سئوينج ييري
حنون: به‌يه‌نيلميش
هپ:
بوتون، توكه‌ل
هئرودئس:
حض. عيسا`نين دوغولدوغو سيرالاردا فيليسطين يؤنه‌تيجيسي
هسسه
ن(؟): قوتسالسين
ايبن
اول-موقه‌دده‌م: ايلك كز آتاسيز دونيايا گله‌ن، حض. عيسا
ايديز:
حضره‌ت
ايليشوا:
ائليزابئت، حض. يحيا`نين آناسي
ايلييا:
ايلياس
كيريستوس:
حض. عيسا
ماعمودان:
وافتيز و تعميد ائده‌نله‌ر
مار:
حضره‌ت- اريل
مات:
حضره‌ت-ديشيل
موعه‌لليم:
خاخام، موسه‌وي بوته‌م قوللوقچوسو (دين خاديمي)
پاتراق:
پاتريك
قيدديس:
قوتسانميش
قوددوس:
قوتسال
سالاسان:
بيراخاسين، قوياسين
سئوينجيك:
موژده
سئيغان:
دووار، هؤره‌ك
شماته‌ت:
قيناما، قاخينج
شول: شو،
اول
تانريدام:
ايلاهي
طوبانيله‌ر:
قوتساللار
وابال:
سوچ، گوناه
وئره‌گؤر:
وئر
خطاييله‌ر:
يانليش ياپانلار، يانيلقي ايچينده بولونانلار
يا
سيتتينه العذرا: آلتميش چاغين بؤيويو
يسو: حض.
عيسا
يير:
ترانه، آواز، شرقي، ماهني
يوحه‌ننا:
حض. يحيا
Sozumuz, a window opening to the
life/culture of the turkish nation of iran/south azerbaijan:
http://sozumuz.blogspot.com/
http://sozumuz-turk-dovletler.blogspot.com/
http://sozumuz.blogspot.com/
http://sozumuz-turk-dovletler.blogspot.com/
No comments:
Post a Comment